स्नानागारं दिशि प्राच्यामाग्नेय्यां पाकमन्दिरम्
प्रतीच्यां भोजनगृहं वा यव्यां धान्यमदिरम्
शय्यामूत्रास्त्रतद्विच्च भोजनं मङ्गलाश्रयम्
ईशान्यादिक्रमस्तेषां गृहनिर्माणकं शुभम्
ध्वजो धूम्रोथ सिंहः श्वा सौरमेयः खरो गजाः
प्लक्षोदुंबरचूताख्या निंबस्तु हि विभीतकाः
अगस्तिसिंधुवालाख्यतिन्तिडीकाश्च निन्दिताः
गृहपादागृहस्तभाः समाः शस्ताश्च नासमाः
गृहोपरि गृहादीनामेवं सर्वत्र चिन्तयेत्
पाञ्चालमानं वैदेहं कौरवं च कुजन्यकम्
सचतुर्भागविस्तारमुत्सेधं यत्तदुच्यते
वैदेहादीन्यशेषाणि मानानि स्युर्यथाक्रमम्
अवन्तिमानं विप्राणां गान्धारं क्षत्रियस्य च
यथोदितं जलस्त्राव्यं द्वित्रिभूमिकवेश्मनाम्
पशुशालाश्च शालानां ध्वजायेप्यथ वा गजे
वास्तुपूजाविधिं वक्ष्ये नववेश्मप्रवेशने
गृहमध्ये तण्डुलोपर्येकाशीतिपदं भवेत्
द्वात्रिन्द्वाह्यतः पूज्यास्तत्रान्तःस्थास्रयोदश
ईशानकोणतो बाह्यो द्वात्रिंशत्र्रिदशा अमी
सूर्यः शशी मृगाकाशौ वायुः पूषा च नैरृतिः
मृगः पितृगणाधिशस्ततो दौवारि काह्वयः
अथेशानादिकोणस्थाश्चात्वारस्तत्समीपगाः
एकान्तरा स्युः प्रागाद्याः परितो ब्रह्मणः स्मृताः
मित्रोथ राजयक्ष्मा च तथा पृथ्वीधराह्वयः
आपश्चैवापवत्सश्च पर्जन्यो ऽग्निर्दितिः क्रमात्
तन्मध्ये विंशतिर्बाह्या द्विपदास्ते तु सर्वदा
ब्रह्मणः पारितो दिक्षु चत्वारस्त्रिपदाः स्मृताः
वास्तुमन्त्रेण वास्तुज्ञो दूर्वादध्यक्षतादिभिः
आवाहनादिसर्वोपचारांश्च क्रमशस्तथा
ताम्बूलं च ततः कर्ता प्रार्थयेद्वास्तुपूरुषम्