आत्मक्षयः सप्तमर्क्षे भवत्येव हि भर्तृभात्
षट्काष्टकं मृत्यवे स्याच्छुभदाराशयः परे
इतरे ग्रहवारांशाः सर्वकामार्थसिद्धिदाः
पूर्वादिकशिरोवामपार्श्वेशायाप्रदक्षिणम्
यद्दिङ्मुखो वास्तुपुमान् कुर्यात्तद्दिङ्मुखं गृहम्
सबलो मुखगेहानामेष दोषो न विद्यते
गृहमध्ये हस्तमात्रे गर्ते न्यासाय विन्यसेत्
कुक्षिस्तस्मिन्न्यसेच्छङ्कुं पुत्रपौत्रविवर्धनम्
विप्रादीनां कुक्षिमानं स्वर्णवस्त्राद्यलङ्कृतम्
रक्तचन्दनपालाशरक्तशानविशालजम्
अष्टास्रं च तृतीयासौ मन्वस्रं मृदुमव्रणम्
षड्वर्गशुद्धिसूत्रेण सूत्रिते धरणीतले
व्यर्कारचरलग्नेषु पापे चाष्टमवर्जिते
शुभेक्षिते ऽथ वा युक्ते लग्ने शङ्कुं विनिक्षिपेत्
स्वत्रिकेन्द्रत्रिकोणस्थैः शुभैस्त्र्यायारिगैः परैः
एकद्वित्रिचतुःशालाः सप्त शाला दशाह्वयाः
ध्रुवं धान्यं जयं नन्दं खरः कान्तं मनोरमम्
आक्रन्दं विपुलाख्य च विजयं षोडशं गृहम्
गुरोरघो लघुः स्थाप्यः पुरस्तादूर्ध्ववन्न्यसेत्
कुर्याल्लघुपदे ऽलिन्दं गृहद्वारात्प्रदक्षिणम्
स्नानागारं दिशि प्राच्यामाग्नेय्यां पाकमन्दिरम्
प्रतीच्यां भोजनगृहं वा यव्यां धान्यमदिरम्
शय्यामूत्रास्त्रतद्विच्च भोजनं मङ्गलाश्रयम्
ईशान्यादिक्रमस्तेषां गृहनिर्माणकं शुभम्
ध्वजो धूम्रोथ सिंहः श्वा सौरमेयः खरो गजाः
प्लक्षोदुंबरचूताख्या निंबस्तु हि विभीतकाः
अगस्तिसिंधुवालाख्यतिन्तिडीकाश्च निन्दिताः
गृहपादागृहस्तभाः समाः शस्ताश्च नासमाः
गृहोपरि गृहादीनामेवं सर्वत्र चिन्तयेत्
पाञ्चालमानं वैदेहं कौरवं च कुजन्यकम्