एते नवांशाः शुभदा वृषभस्यांशकाः खलु
अन्ये नवांशा न ग्राह्या यतस्ते कुनवांशकाः
यस्मिन्दिने महापातस्तद्दिनं वर्जयेच्छुभे
अनुक्ताः स्वल्पदोषाः स्युर्विद्युन्नीहारवृष्टयः
लत्तोपग्रहपाताख्या मासदग्धाह्वया तिथिः
एवमाद्यास्ततस्तेषां व्यवस्था क्रियते ऽधुना
दोषाय मङ्गले नूनमदोषायैव कालतः
एको ऽपि दोषनिचयं हरत्येव न संशयः
द्वितीये शंभुकोणे ऽग्निधिष्ण्यं चक्रे प्रविन्यसेत्
पुरतः पृष्टतोर्ऽकाद्या दिनर्क्षं लत्तयन्ति यत्
सूर्यभात्सार्प्पपित्र्यान्त्यत्वाष्ट्रमित्रोडुविष्णुभम्
सौराष्ट्रे साल्वदेशे तु लत्तितं भं विवर्जयेत्
बाह्लिके कुरुदेशे चान्यस्मिन्देशे न दूषणम्
मध्यदेशे विवर्ज्यानि न दृष्टानीतरेषु च
गौडमालवयोस्त्याज्या अन्यदेशे न गर्हिताः
अपि धातुरतो ग्राह्यं दोषाल्पत्वं गुणाधिकम्
हस्तोच्छ्रितां चतुर्हस्तैश्चतुरस्रां समन्ततः
समण्डपां चतुर्दिक्षु सोपानैरतिशोभिताम्
विचित्रितां चित्रकुंभैर्विविधैस्तोरणाङ्कुरैः
विप्राशीर्वचनैः पुण्यस्रीभिर्दिव्यैर्मनोरमाम्
एवं विधां समारोहेन्मिथुनं स्वाग्निवेदिकाम्
राशीशयोनिर्वर्णाख्यऋतवः पुत्रपौत्रदाः
उत्तमं मध्यमं भिन्नं राश्यैकत्वं ययोस्तयोः
स्त्रीधिष्ण्यादाद्यनवके स्त्रीदूरमतिनिन्दितम्
तिस्रः पूर्वोत्तरा धातृयाम्यमाहेशतारकाः
हर्यादित्यार्कवाय्वन्त्यमित्राश्वीज्येन्दुतारकाः
वसुवारीशमूलाहितारकाभिर्युतास्ततः
मध्यमा देवमर्त्यानां राक्षसानां तयोर्मृतिः
नैःस्व्य द्विर्द्वादशे ऽन्येषु दंपत्योः प्रीतिरुत्तमा
द्विर्दादशे त्रिकोणे च न कदाचित्षडष्टके