पञ्चाङ्गशुद्धिराहित्यं दोषस्त्वाद्यः प्रकीर्तितः
तृतीयः पापषड्वर्गो भृगुः षष्टः कुजो ऽष्टमः
दंपत्योरष्टमं लग्नं राशिर्विषघटी तथा
ग्रहणोत्पातभं क्रूरविद्धर्क्षं क्रूरसंयुतम्
तिथिवारर्क्षयोगानां करणस्य च मेलनम्
यस्मिन्पञ्चाङ्गदोषो ऽस्ति तस्मिंल्लग्ने निरर्थकम्
लग्नलग्नांशकौ स्वस्वपतिना वीक्षितौ युतौ
वरस्य मृत्युः स्यात्ताभ्यां सप्तसप्तोदयांशकौ
त्याज्याः सूर्यस्य संक्रान्तेः पूर्वतः परतस्तथा
षड्वर्गः शुभदः श्रेष्ठो विवाहसथापनादिषु
उच्चगे शुभसंयुक्ते तल्लग्नं सर्वदा त्यजेत्
शुभत्रययुतं लग्नं न त्यजेत्तुङ्गगो यदि
गण्डान्तं मृत्युदं जन्मयात्रोद्वाहव्रतादिषु
गण्डातंमन्तरालं स्याद्धटिकार्द्धं मृतिप्रदम्
तदग्निमेष्वाद्यपादा भानां गण्डातसंज्ञकाः
लग्नाभिमुखयोः पापग्रहयोरृजुवक्रयोः
कर्तरीयोगदुष्टं यल्लग्नं तत्परिवर्जयेत्
षडष्टरिष्फगे चन्द्रे लग्नदोषः स्वसंज्ञकः
उच्चगे नीचगे वापि मित्रभे शत्रुराशिगे
शशाङ्के ग्रहसंयुक्ते दोषः संग्रहसंज्ञकः
सूर्येण संयुते चन्द्रे दारिद्यं भवति स्फुटम्
दौर्भाग्यं गुरुणा युक्ते सापत्यं भार्गवेण तु
केतुना संयुते चन्द्रे नित्यं कष्टं दरिद्रता
शुभग्रहयुते चन्द्रे स्वोच्चस्थे मित्रराशिगे
स्वोच्चगो वा स्वर्क्षगो वा मित्र क्षेत्रगतोपि वा
दंपत्योरष्टमं लग्नमष्टमो राशिरेव च
स राशिः शुभसंयुक्तो लग्नं वा शुभसंयुतम्
दंपत्योर्द्वादशं लग्नं राशिर्वा यदि लग्नगः
जन्मराश्युदयश्चैव जन्मलग्नोदयः शुभः
खमार्गणा वेदपक्षाः खरामा वेदमार्गणाः