एतत्पुंसामयुग्मे ऽब्दे व्यत्ययेनाशनं तयोः
मध्यमा कार्तिको मार्गशीर्षो वै निन्दिताः परे
विवाहो देवतानां च प्रतिष्टां चोपनायनम्
न गुरौ सिंहराशिस्थे सिंहांशकगतेपि वा
बुद्धः पञ्चदिनं पक्षं गुरुः पक्षं च सर्वतः
उत्सवे वासुदेवस्य दिवसे नान्यमङ्गलम्
आद्य गर्भसुतस्याथ दुहितुर्वा करग्रहः
ज्येष्टमासे तयोरेकज्येष्ठे श्रेष्ठश्च नान्यथा
नाखिले त्रिदिनं नेष्टं त्रिद्युस्पृक् च क्षयं तथा
संध्यायां त्रिदिनं तद्वन्निशीथे सप्त एव च
व्यतीपातं वैधृतिं च संपूर्णं परिघार्द्धकम्
समूलभैरविद्धैस्तैः स्त्रीकरग्रह इष्यते
चेत्पूजा यत्नतः कार्या दुर्बल ग्रहयोस्तयोः
यथोत्तरं बलाधिक्यं स्थूलं गोचरमार्गजम्
तिथिरेकगुणा वारो द्विगुणस्त्रिगुणं च भम्
ततो मनहूर्तो बलवांस्ततो लग्नं बलाधिकम्
ततो नवांशो बलवान्द्वादशांशो बली ततः
शुभेक्षितयुताः शस्ता उद्वाहे ऽखिलराशयः
इष्टास्तच्छुभदं लग्नं चत्वारो ऽपि बलान्विताः
एकविंशतिदोषाणां नामरूपफलानि च
पञ्चाङ्गशुद्धिराहित्यं दोषस्त्वाद्यः प्रकीर्तितः
तृतीयः पापषड्वर्गो भृगुः षष्टः कुजो ऽष्टमः
दंपत्योरष्टमं लग्नं राशिर्विषघटी तथा
ग्रहणोत्पातभं क्रूरविद्धर्क्षं क्रूरसंयुतम्
तिथिवारर्क्षयोगानां करणस्य च मेलनम्
यस्मिन्पञ्चाङ्गदोषो ऽस्ति तस्मिंल्लग्ने निरर्थकम्
लग्नलग्नांशकौ स्वस्वपतिना वीक्षितौ युतौ
वरस्य मृत्युः स्यात्ताभ्यां सप्तसप्तोदयांशकौ
त्याज्याः सूर्यस्य संक्रान्तेः पूर्वतः परतस्तथा
षड्वर्गः शुभदः श्रेष्ठो विवाहसथापनादिषु