तारका न हिता मासा मधूर्जशुचिपौषकाः
कुलटा पापभोगेषु निन्द्यर्क्षे निन्द्यवासरे
सुवर्णगोतिलान्दद्यात्सर्वदोषापनुत्तये
ओजराश्यंशगे चन्द्रे लग्ने पुङ्ग्रहवीक्षिते
पुत्रार्थी पुरुषशस्त्यक्त्वा पौष्णमूलाहिपित्र्यभम्
मासे पुंसवनं कार्यं सीमन्तं च यथा तथा
बलोपपन्ने दंपत्योश्चन्द्रताराबलान्विते
तीक्ष्णमिश्रार्कवर्ज्येषु पुंभांशेरात्रिनायके
शुभग्रहयुते दृष्टे पापदृष्टिविवर्जिते
पापेषु सत्सु चन्द्रेत्यनिधनाद्यरिवर्जिते
सीमन्तिनीं वा तद्गर्भं बली हॄन्ति न संशयः
जातकर्म प्रकर्तव्यं पितृपूजनपूर्वकम्
नामपूर्वं प्रशस्तं स्यान्मङ्गलैः सुसमीक्षितैः
अनस्तगे भृगावीज्ये तत्कार्ये चोत्तरायणे
चन्द्राताराबलोपेते दिवसे च शिशोः पितुः
षष्टे मास्यष्टमे वापि पुंसां स्त्रीणां तु पञ्चमे
रिक्तां दिनक्षयं नन्दां द्वादशीमष्टमीमथ
चरस्थिरमृदुक्षिप्रनक्षत्रे शुभनैधने
पूर्वार्द्धे सौम्यखेटेन संयुक्ते वीक्षितेपि वा
व्ययारिनिधनस्थे च चन्द्रे ऽन्नप्राशनं शुभम्
बालानां जन्मतश्चौलं स्वगृह्योक्तविधानतः
अपर्वरिक्तातिथिषु शुक्रेज्यज्ञेन्दुवासरे
चौलकर्मणि हस्तक्षार्र्त्रीणित्रीणि च विष्णुभात्
शुभदं जन्मनक्षत्रमशुभं त्वन्यकर्मणि
जन्माष्टमे न शीतांशौ षष्टाष्टान्त्यविवर्जिते
अभ्यक्ते सन्ध्ययोर्नारे निशि भुक्त्वा न वाहवे
क्षौरकर्म महीपानां पञ्चमेपञ्चमे ऽहनि
नृपविप्राज्ञया यज्ञे मरणे बन्धमोक्षणें
कर्तव्यं मङ्गलेष्वादौ मङ्गलाय क्षुरार्पणम्
तृतीये बीजनक्षत्रे शुभवारे शुभोदये