कन्या लग्ने विधेयं च पौष्टिकाखिलमङ्गलम्
तुलायामखिलं कर्म तुलाभाराश्रिते च यत्
चौर्यकर्मस्थिरारंभाः कर्तव्या वृश्चिकोदये
चरस्थिरविमिश्रं च कर्तव्यं कार्मुकोदये
प्रस्थानं पशुदासादि कर्तव्यं मकरोदये
जलपात्रास्त्राशस्त्रादि कर्तव्यं कलशोदये
भूषणं जलपात्राश्वकर्म मीनोदये शुभम्
क्रूरग्रहेक्षितेषूग्रसंयुतेषूग्रमेव हि
शुभर्क्षत्वाशुभासत्य इतरा पापराशयः
फलं ताभ्यां विहीनो ऽसौ स्वभावमुपसर्पति
अन्ते तुच्छफले लग्ने सर्वस्मिन्नेवमेव हि
कल्प्यामदिन्दौ बलिनि सप्तमे बलिनो ग्रहाः
आधारभूतेनाधेयं धीयते परिधिष्टिनम्
अशुभश्चेदशुभदा वर्जयित्वा धनाधिपम्
लग्नोद्भवं फलं धत्ते धनातीतो द्वितीयकम्
लग्नं सर्वगुणोपेतं लभ्यते ऽल्पैर्दिनैर्नो
दोषाद्दुष्टो हि कालस्तमपि मार्ष्टुं पितामहः
अमारिक्ताष्टमीषष्टीद्वादशीप्रतिपत्स्वपि
संध्यासूपप्लवे विष्ट्यामशुभं प्रथमार्त्तवम्
पतिव्रता केशयुक्ता सूर्यवारादिषु क्रमात्
तारका न हिता मासा मधूर्जशुचिपौषकाः
कुलटा पापभोगेषु निन्द्यर्क्षे निन्द्यवासरे
सुवर्णगोतिलान्दद्यात्सर्वदोषापनुत्तये
ओजराश्यंशगे चन्द्रे लग्ने पुङ्ग्रहवीक्षिते
पुत्रार्थी पुरुषशस्त्यक्त्वा पौष्णमूलाहिपित्र्यभम्
मासे पुंसवनं कार्यं सीमन्तं च यथा तथा
बलोपपन्ने दंपत्योश्चन्द्रताराबलान्विते
तीक्ष्णमिश्रार्कवर्ज्येषु पुंभांशेरात्रिनायके
शुभग्रहयुते दृष्टे पापदृष्टिविवर्जिते
पापेषु सत्सु चन्द्रेत्यनिधनाद्यरिवर्जिते