त्रयोदश स्युर्मिलनसंख्यया तिथिवारयोः
सप्तम्यामर्कवारश्चेत्प्रतिपत्सौम्यबासरे
आनन्दः कालदण्डाख्यो धूम्रधातृसुधाकराः
मित्रमानसपद्माख्यलुम्बकोत्पातमृत्यवः
राक्षसाख्यवरस्थैर्यवर्द्धमानाः क्रमादमी
रविवारे क्रमादेव दस्रभार्दिदुभाद्विधौ
वैश्वदेवाद्भगुसुते वारुणाद्भास्करात्मजे
सौम्ये मित्रभमाचार्यं तिष्यः पौष्णं भृगोः सुते
आदित्यभौमयोर्नन्दा भद्रा शुक्रशशाङ्कयोः
नन्दा तिथिः शुक्रवारे सौम्ये भद्रा कुजे जया
एकादश्यामिन्दुवारो द्वादश्यामर्कवासरः
नवमी पञ्चमी भौमे दग्धयोगाः प्रकीर्तिताः
बुधे श्रविष्टार्यमभे गुरौ ज्येष्टा भृगोर्दिने
विशाखादिचतुर्वर्गमर्कमर्कवारादिषु क्रमात्
तिथिवारोद्भवा नेष्टा योगा वारर्क्षसंभवाः
घोराष्टाक्षीमहोदर्यो मन्दा मन्दाकिनी तथा
शूद्रतस्करवैश्यक्ष्मादेवभूपगवां क्रमात्
पूर्वाह्ने नृपतीन्हन्ति विप्रान्मध्यन्दिने विशः
निशि रात्रिचरान्नाट्यकारानपररात्रिके
दिवा चेन्मेषसंक्रान्तिरनर्थकलहप्रदा
अश्वश्पवाजवृषाः पादायुधाः करणवाहनाः
भुशुडी च गदाखड्गौ दण्ड इषअवासतोमरौ
अन्नं च पायसं भैक्ष्यं सयूषं च पयो दधि
ववोवीवणिजेविश्वां बालवे गोचरस्थितौ
चतुः पादे तिलेनागे सुप्तः क्रान्तिं करोति हि
आयुधं वाहनाहारौ यज्जातीयं जनस्य च
अन्धकं मन्दसंज्ञं च मध्यसंज्ञं सुलोचनम्
स्थिरभेष्वर्कसंक्रान्तिर्ज्ञेया विष्णुपदाह्वया
तुलाघटाजयोर्ज्ञेयो विषुवत्सूर्यसंक्रमः
मेध्या विषुवति प्रोक्ताः पुण्यनाड्यस्तु षोडश