श्रियै पुष्ट्यै त्रयं श्रेष्ठं स्याच्चक्रे लाङ्गलाह्वये
समूलभेषु बीजोप्तिरत्युन्त्कृष्टं फलप्रदा
गले त्रयं कज्जलाय वृद्ध्यै च द्वादशोदरे
नाभौ वह्निः पञ्चकं यद्वीजोप्ताविति चिन्तयेत्
न कुर्याद्रोगमुक्तस्य स्नानमाहीं दुशुक्रयोः
पुष्यार्कपौष्णधिष्ण्येषु नृत्यारंभः प्रशस्यते
मध्ययुञ्जि द्वादशर्क्षाणीन्द्रभान्नवभानि च
जघन्यास्तोयपार्द्राहिपवनान्तकनाकपाः
तासां प्रमाणघटिकास्त्रिंशन्नवतिद्यष्टयः
अश्वग्रीन्द्वीज्यनैरृत्यत्वाष्ट्रजत्त्युत्तराभवाः
धातृज्येष्टादितिस्वातीपौष्णार्कहरिदेवताः
शेषाः कुलाकुलास्तारास्तासां मध्ये कुलोडुषु
भेषूपकुलसंज्ञेषु जयमाप्नोति निश्चितम्
अर्कार्किभौमवारे चेद्भद्राया विषमाङ्घ्रिभम्
तद्यात्तद्दोषनाशाय गोत्रयं मूल्यमेव वा
क्रूरविद्धो युतो वापिपुष्यो यदि बलान्वितः
रामाग्निऋतुबाणाग्निभूवेदाग्निशरेषु च
वेदनेत्राब्ध्यग्निशतबाहुनेत्ररदाः क्रमात्
या दृश्यन्ते दीप्तताराः स्वगणे योगतारकाः
उडुंबरश्चाग्निधिष्ण्ये रोहिण्यां जंबुकस्तरुः
संभूतो ऽदितिभाद्वंशः पिप्पलः पुष्यसंभवः
पालाशो भाग्यभाज्जातः अक्षश्चार्यमसंभवः
स्वात्युक्षजोर्ऽजुनो वृक्षो द्विदैवत्याद्विकङ्कतः
सर्ज्जवृक्षो मूलभाञ्च वञ्जुलो वारिधिष्ण्यजः
वसुधिष्ण्याच्छमीवृक्षः कदंबो वारुणर्क्षजः
मधुवृक्षः पौष्णधिष्ण्याद्धिष्ण्यवृक्षाः प्रकीर्तिताः
योगेशा यमविश्वेन्दुधातृजीवनिशाकराः
गणेशरुद्रधनदत्वष्ट्टमित्रषडाननाः
वैधृतिश्च व्यतीपातो महापातावुभौ सदा
विष्कंभवज्रयोस्तिस्रः षड्वा गण्डातिगण्डयाईः