सप्ताख्यातो दुनोतिस्तु परस्मैपदिनो मुने
परस्मैपदिनस्त्वत्र तिकाद्यास्तु चतुर्दश
स्वरितेतः षङाख्यातास्तुदाद्या मुनिसत्तम
व्रश्चादय उदात्तेतः प्रोक्ताः पञ्चाधिकं शतम्
णूमुखाश्चैव चत्वारः परस्मैपदिनो मताः
पृङ् मृङ् चात्मनेभाषौ षट् परस्मैपदे रिपेः
प्रच्छादिषोडशाख्याताः परस्मैपदिनो मुने
कृतीप्रभृतय श्चापि परस्मैपदिनस्रयः
स्वरितेतो रुधोनन्दा परस्मैभाषितः कृती
उदात्तेतः शिषपिषरुधाद्याः पञ्चविंशतिः
मनुवन्वात्मनेभाषौ स्वरितेत्त्कृञुदाहृतः
क्याद्याः सप्तोभयेभाषाः सौत्राः स्तंभ्वादिकास्तथा
द्वाविंशतिरुदात्तेतः कुधाद्या धातवो मताः
परस्मैपदिनश्चाथ स्वरितेद्ग्रह एव च
चुराद्या धातवो ञ्यन्ता षट्र्त्रिंशदधिकः शतम्
चर्चाद्या आधृषीयास्तु प्यन्ता वा परिकीर्तिताः
पदाद्यास्तु दश प्रोक्ता धातवो ह्यात्मनेपदे
धात्वर्थे प्रातिपदिकाद्वहुलं चेष्टवन्मतम्
धात्वर्थे कर्तृकरणाञ्चित्राद्याश्चापि धातवः
स्तोमाद्याः षोडश तथा अन्दतस्यं निदर्शनम्
सर्वे सर्वगणीयाश्च तथानेकार्थवाचिनः
संक्षेपो ऽयं समुद्दिष्टो विस्तरस्तत्र तत्र च
वृङ्वृञ्भ्यां च विनैकाचो ऽजन्तेषु निहताः स्मृताः
भञ्ज्भुज्भ्रस्ज्मत्जियज्युज्रुज्रञ्जविजिर्स्वञ्जिसञ्ज्सृजः
शद्सदी स्विद्यतिःस्कन्दिर्हदी क्रुध्क्षुधिबुध्यती
मन्यहन्नाप्क्षिप्छुपितप्तिपस्तृप्यतिदृप्यती
क्रुशिर्दंशिदिशी दृश्मृश्रिरुश्लिश्विश्स्पृशः कृषिः
वसतिर्दहदिहिदुहो नह्मिह्रुह्लिह्वहिस्तथा
चाद्या निपाता गवयः प्राद्या दिग्देशकालजाः
गणपाठः सूत्रपाठो धातुपाठस्तथैव च