शन्तः शन्तिः शंयशन्तौ शंयोहंयुः शुभंयुवत्
भवति बगभूव भविता भविष्यति भवत्वभवद्भघवेच्चापि
अत्ति जघासात्तात्स्यत्यत्त्वाददद्याद्द्विरघसदात्स्यत्
दिदेव देविता देविष्यति च अदीव्यद्दीव्येद्दीव्याद्वै
सुनोत्वसुनोत्सुनुयात्सूयादशावीदसोष्युत्तुदति च
अतौत्सीदतोत्स्यदिति च रुणद्धि रूरोध रोद्धा रोत्स्यति वै
तनोति ततान तनिता तनिष्यति तनोत्वतनोत्तनुयाद्धि
अक्रीणात्क्रीणात्क्रीणीयात्क्रीयादक्रैषीदक्रेष्यञ्चोरयति चोरयामास चोरयिता चोरयिष्यति चोरयतु
क्रियासमभिहारे तु पण्डितो बोभूयते मुने
अनुदात्तञितो धातोः क्रियाविनिमये तथा
परस्मैपदमाख्यातं शेषात्कर्तारि शाब्दिकैः
सौकर्यातिशयं चैव यदाद्योतयितुं मुने
लभन्ते कर्तृते पश्य पच्यते ह्योदनः स्वयम्
धातोः सकर्मकाद्भावे कर्मण्यपि लप्रत्ययाः
फलव्यापरयोरेकनिष्टतायामकर्मकः
गौणे कर्मणि द्रुह्यादेः प्रधाने नीहृकृष्वहाम्
प्रयोज्य कर्मण्यन्येषां ण्यन्तानां लादयो मताः
फले प्रधानं व्यापारस्तिर्ङ्थस्तु विशेषणम्
भावे कर्मणि कृत्याः स्युः कृतः कर्तरि कीर्तिताः
गम्यादिगम्ये निर्दिष्टं शेषमद्यतने मतम्
रामाश्रितस्तत्पुरुषे धान्यार्थो यूपदारु च
पञ्चगवं दशग्रामी त्रिफलेति तु रूढितः
अब्राह्मणो न ञि प्रोक्तः कुंभकारादिकः कृता
पञ्चगू रूपवद्भार्यो मध्याह्नः ससुतादिकः
भिक्षामानय गां चापि वाक्यमेवानयोर्भवेत्
रामकृष्णं द्विज द्वै द्वै ब्रह्म चैकमुपास्यते
तत्पञ्चविधमाख्यातं वैदिकं धातुरूपकम्
विकारः क्वापि वर्णानां वर्णनाशः क्वचिन्मतः
धातोर्योगातिशयी च संयोगः परिकीर्तितः
गूढोत्मा वर्णविकृतेर्वर्णनांशात्पृषोदरः