प्रवृत्तं चक्रतां चैव वाणिज्यप्रभृतीनि च
धनं विद्यां भिषक् सिद्धिं कुप्यङ्गा अप्यजाविकम्
कृत्तिकादि भरण्यन्तं सकामानाप्नुयादिमान्
वसुरुद्रादितिसुताः पितरः श्राद्धदेवताः
आयुः प्रजां धनं विद्यां स्वर्गं मोक्षं सुखानि च
इत्येवं कथितं किञ्चित्कल्पाध्याये विशेषतः
य इमं चिन्तयेद्विद्वान्कल्पाध्यायं मुनीश्वर
यः शृणोति नरो भक्त्या दैवे पित्र्ये च कर्मणि
धनं विद्यां यशः पुत्रान्परत्र च गतिं पराम्
कथयिष्ये समासेन शृणुष्व सुसमाहितः
सिद्धरूपप्रबन्धेन मुखं वेदस्य सांप्रतम्
स्वौजसः प्रथमा प्रोक्ता सा प्रातिपदिकात्मिका
अर्थावत्प्रातिपदिकं धातुप्रत्ययवार्जितम्
द्वितीया कर्मणि प्रोक्तान्तरान्तरेण संयुते
येन क्रियते तत्करणं सः कर्ता स्यात्करोति यः
यस्मै दित्सा धारयेद्वै रोचते संप्रदानकम्
यतो ऽपैति समादत्ते अपदत्ते च यं यतः
ङ्योःसुपः सप्तमी तु स्यात्सा चाधिकरणे भवेत्
ईप्सितं चानीप्सितं यत्तदपादानकं स्मृतम्
एतैर्योगे द्वितीया स्यात्कर्मप्रवचनीयकैः
अन्तरेषु सहार्थे च हीने ह्युपश्च कथ्यते
अप्राणिषु विभक्ती द्वे मन्यकर्मण्यनादरे
चतुर्थी चैव तादर्थ्ये तुमर्थाद्भाववाचिनः
काले भावे सप्तमी स्यादेतैर्योगे च षष्ठ्यपि
निर्धारणे द्वे विभक्ती षष्टी हेतुप्रयोगके
हिंसार्थानां प्रयोगे च कृतिकर्मणि कर्तरि
भूवादिषु तिङतेषु लकारा दश वै स्मृताः
मिव्वस्मसः परस्मै तु पादानां चा मपनेदम्
ए वहे मह आदेशा ज्ञेया ह्यन्ये लिङादिषु
मध्यमो युष्मदि प्रोक्त उत्तमः पुरुषो ऽस्मदि