दातारोनो ऽभिवर्द्धन्तां वेदाः संततिरेव च
इत्युक्तो क्ताः प्रिया वाचः प्रणिपत्य विसर्जयेत्
यस्मिंस्ते संश्रवाः पूर्वमर्ध्यपात्रे निवेशिताः
प्रदक्षिणमनुव्रज्य भुञ्जीत पितृसेवितम्
एवं प्रदक्षिणावृत्त्या वृद्धौ नान्दीमुखान्पितॄन्
एकोद्दिष्टं देवहीनमेवार्ध्यैकपवित्रकम्
उपतिषअटतामक्षय्यस्थाने विप्रविसर्जने
गन्धोदकं तिलैर्युक्तं कुर्यात्पात्रचतुष्टयम्
ये समाना इति द्वाभ्यां शेषं पूर्ववदाचरेत्
अर्वाक्सपिण्डीकरणं यस्य संवत्सराद्भवेत्
भृते ऽहनि तु कर्तव्यं प्रतिमासं तु वत्सरम्
पिण्डांश्चगो ऽजविप्रेभ्यो दद्यादग्नौ जले ऽपि वा
हविष्यान्नेन वै मासं पायसेन तु वत्सरम्
ऐणरौरववाराहशाशैर्मांसैर्यथाक्रमम्
खड्गामिषं महाकल्पं मधु मुन्यन्नमेव च
यो ददाति गयास्थश्च सर्वमानन्त्यमश्नुते
कल्यां कन्यावेदिनश्च पशून्वै सत्सुतानपि
ब्रह्मवर्चस्विनः पुत्रान्स्वर्णरूप्ये सकुप्यके
प्रतिपत्प्रभृतिष्वेकां वर्जयित्वा चतुर्दशीम्
स्वर्गं ह्यपत्यमोजश्च शौर्यं क्षेत्रं बलं तथा
प्रवृत्तं चक्रतां चैव वाणिज्यप्रभृतीनि च
धनं विद्यां भिषक् सिद्धिं कुप्यङ्गा अप्यजाविकम्
कृत्तिकादि भरण्यन्तं सकामानाप्नुयादिमान्
वसुरुद्रादितिसुताः पितरः श्राद्धदेवताः
आयुः प्रजां धनं विद्यां स्वर्गं मोक्षं सुखानि च
इत्येवं कथितं किञ्चित्कल्पाध्याये विशेषतः
य इमं चिन्तयेद्विद्वान्कल्पाध्यायं मुनीश्वर
यः शृणोति नरो भक्त्या दैवे पित्र्ये च कर्मणि
धनं विद्यां यशः पुत्रान्परत्र च गतिं पराम्
कथयिष्ये समासेन शृणुष्व सुसमाहितः