अक्षतांश्चैव पुष्पाणि धूपं दीपं फलानि च
नीराजनं दक्षिणां च क्रमाद्दद्याञ्च तुष्टये
अमावस्याष्टका वृद्धिः कृष्णपक्षायनद्वयम्
व्यतीपातो गजच्छाया ग्रहणं चन्द्रसूर्ययोः
अग्र्याः सर्वेषु वेदेषु श्रोत्रियो ब्रह्मविद्युवा
स्वस्रीय ऋत्विग्जामाता याज्यश्वशुरमातुलाः
कर्मनिष्टास्तपोनिष्टाः पञ्चाग्निब्रह्मचारिणः
रोगी न्यूनातिरिक्ताङ्गः काणः पौनर्भवस्तथा
भृतकाध्यापकः क्लीबः कन्यादूष्यभिशस्तकः
मातृपितृगुरुत्यागी कुण्डाशी वृषलात्मजः
निमन्त्रयीत पूर्वेद्युर्ब्राह्मणानात्मवान् शुचिः
अपराह्ने समघभ्यर्च्य स्वागतेनागतांस्तु तान्
विप्रान्दैवे यथाशक्ति पित्र्ये ऽयुग्मांस्तथैव च
द्वौ द्वैवे प्राक् त्रयः पित्रघ्ये उदगेकैकमेव च
पाणिप्रक्षालनं दत्त्वा विष्टरार्थं कुशानपि
यवैरन्वावकीर्याथ भाजने सपवित्रके
यादिव्या इति मन्त्रेण हस्ते पाद्यं विनिःक्षिपेत्
अपसव्यं ततः तृत्वा पितॄणां सप्रदक्षिणम्
आवाह्य तदनुज्ञातो जपेदायन्तु नस्ततः
दत्त्वार्ध्यं सयवांस्तेषां पात्रे कृत्वा विधानतः
अग्नौ करिष्यन्नादाय पृच्छत्यन्नं घृतप्लुतम्
हुतशेषं प्रदद्यात्तु भाजनेषु समाहितः
दत्त्वान्नं पृथिवीपात्रमिति पात्रा भिमन्त्रणम्
सव्याहृतिकां गायत्रीं मधुवाता इति त्यृचम्
अग्नमिष्टं हविप्यं च दद्यादक्रोधनो ऽत्वरः
अन्नमादाय तृप्ताःस्थ शेषं चैवानुमान्य च
सर्वमन्नमुपादाय सतिलं दक्षिणामुखः
मातामहानामप्येवं दद्यादाचमनं ततः
दत्त्वा च दक्षिणां शक्त्या स्वधाकारमुदाहरेत्
ब्रूयुरस्तु स्वधेत्युक्ते भूमौ सिंचेत्ततो जलम्