श्रीकामः शान्तिकामो वा पुष्टिवृद्ध्यायुर्वीर्य्यवान्
राहुकेतू नवाप्येते नवाप्येते स्थापनीया ग्रहाः क्रमात्
हेम्नो रजतादयसः सीसात्कार्या शुभाप्तये
यथावर्णं प्रदेयानि वासांसि कुसुमानि च
कर्तव्या मन्त्रवन्तश्च चरवः प्रतिदैवतम्
उद्बुधअयस्वाति यदर्यस्तथैवान्नात्परिस्रुतः
शन्नोदेवीस्तथा काण्डात्केतुं कृण्वन्नकेतवः
उदुंबरः शमी दूर्वा कुशाश्च समिधः क्रमात्
होतव्या मधुसर्पिर्भ्यां दध्ना क्षीरेण वा पुनः
दध्योदनं हविश्चूर्णं मांसं चित्रान्नमेव च
शक्तितो ऽपि यथा लाभं सत्कृत्य विधिपूर्वकम्
कृष्णागौरायसं छाग एता वै दक्षिणाः स्मृताः
ब्रह्मन्नेषां वरो दत्तः पूजिताः पूजयिष्यथः
भावाभावौ च जगतस्तस्मात्पूज्यतमा ग्रहाः
महागणपतेश्चैव कुर्वन्सिद्धिमवान्पुयात्
कर्मणां सफलत्वं च श्रियं वाप्नोत्यनुत्तमाम्
कुप्यन्ति मातरस्तस्य प्रत्यूहं कुर्वते तथा
गौर्याद्या मातरः पूज्या माङ्गल्येषु शुभार्थिभिः
देवसेना स्वधा स्वाहा मातृका वैधृतिर्धृतिः
गणेशेनाधिका ह्येता वृद्धौ पूज्यास्तु षोहश
अक्षतांश्चैव पुष्पाणि धूपं दीपं फलानि च
नीराजनं दक्षिणां च क्रमाद्दद्याञ्च तुष्टये
अमावस्याष्टका वृद्धिः कृष्णपक्षायनद्वयम्
व्यतीपातो गजच्छाया ग्रहणं चन्द्रसूर्ययोः
अग्र्याः सर्वेषु वेदेषु श्रोत्रियो ब्रह्मविद्युवा
स्वस्रीय ऋत्विग्जामाता याज्यश्वशुरमातुलाः
कर्मनिष्टास्तपोनिष्टाः पञ्चाग्निब्रह्मचारिणः
रोगी न्यूनातिरिक्ताङ्गः काणः पौनर्भवस्तथा
भृतकाध्यापकः क्लीबः कन्यादूष्यभिशस्तकः
मातृपितृगुरुत्यागी कुण्डाशी वृषलात्मजः