तेनाद्भिरुक्षणं प्रोक्तं मुनिभिर्विधि कोविदैः
शुभदे मृण्मये पात्रे प्रोक्ष्याद्भिस्तं निधायपयेत्
वेद्यां निधापितस्तस्मात्समिद्गर्भो हुताशनः
तेभ्यः संरक्षणार्थाय ब्रह्माणं तद्दिशि न्यसेत्
यजमानः पूर्वतः स्युर्द्विजाः सर्वे ऽपि नारद
कर्तोदासीन चित्तस्तत्कर्म नश्येदिति स्थितिः
ऋत्विजां नियमो नास्ति यथालाभं समर्चयेत्
आज्यस्थाली त्र्यङ्गुलाथ चरुस्थाली षडङ्गुला
स्रुवं षडङ्गुल प्रोक्तं स्रुचं सार्द्धत्रयाङ्गुलम्
प्रोक्षिण्या उत्तरे भागे प्रणीतापात्रमष्टभिः
प्रणीतायां समासन्नास्तस्मात्तां पूरयेज्जलैः
परिस्तीर्य्य ततो दर्भेः परिदध्यादिमां बुधः
दर्भरूपतया त्रीणि पवित्रच्छेदनानि च
तेनातिपुण्यदं कर्म पवित्रमिति कीर्तितम्
कुलालचक्रघटितं आसुरं मृण्मयं स्मृतम्
स्रुवे च सर्वकर्माणि शुभान्यप्यशुभानि च
अग्रे धूतेन वैधव्यं मध्यं चैव प्रजाक्षयः
अग्निः सूर्यश्च सोमश्च विरिञ्चिरनिलो यमः
अग्निर्भघोगार्थनाशाय सूर्यो व्याधिकरो भवेत्
अनिलो वृद्धिदः प्रोक्तो यमो मृत्युप्रदो मतः
पूर्वं तु सर्वशाखं स्यात्पञ्चशाखं तथापरम्
पलाशश्चैव विज्ञेयाः स्रुवे चैव तथा स्रुचि
विप्राणां चैतदाख्यातं ह्यन्येषामङ्गुलोनकम्
दृष्टिदोषविनाशार्थं पात्राणां प्रोक्षणं स्मृतम्
तस्मिन्पूर्णीकृते विप्र यज्ञसंपूर्णता भवेत्
पुष्कलानि तु चत्वारि पूर्णपात्रं विदुर्बुधाः
दत्ते तृप्तोभवेद्वह्निः शापं दद्याञ्च दारुणम्
प्राजापत्यं मुखं प्रोक्त कटिर्व्याहृतिभिः स्मृता
तथा स्विष्टकृतं विप्र श्रोत्रे पूर्णाहुतिस्तथा
द्विशीर्षकं च षण्नेत्रं पिङ्गलं सप्तजिह्वकम्