आगमैरपकृष्यन्ते हस्तिपैर्हस्तिनो यथा
महत्तरं दुःखमभिप्रपन्ना हित्वामिषं मृत्युवशं प्रयान्ति
विहाय यो गच्छति सर्वमेव क्षणेन गत्वा न निवर्तते च
इतीदमालक्ष्य रतिः कुतो भवेद्विनाशिनाप्यस्य न शम विद्यते
नरपतिरभिवीक्ष्य विस्मितः पुनरनुयोक्तुमिदं प्रचक्रमे
एवं सति किमज्ञानं ज्ञानं वा किं करिष्यति
अप्रमत्तः प्रमत्तो वा किं विशेषं करिष्यति
कस्मै क्रियत कल्पेत निश्चयः को ऽत्र तत्त्वतः
पुनः प्रशमयन्वाक्यैः कविः पञ्चशिखो ऽब्रवीत्
अयं ह्यपि समाहारः शरीरेद्रियचेतसाम्
धातवः पञ्चधा तोयं खे वायुर्ज्योतिषो धरा
आकाशं वायुरूष्मा च स्नेहो यश्चापि पार्थिवः
ज्ञानमूष्मा च वायुश्च त्रिविधः कायसंग्रहः
प्राणापानौ विकारश्च धातवश्चात्र निःसृताः
इन्द्रियाणीति पञ्चैते चित्तपूर्वङ्गमा गुणाः
सुखदुःखेति यामाहुरनदुःखासुखेति च
एते ह्यामरणात्पञ्च सद्गुणा ज्ञानसिद्धये
तमाहुः परमं शुद्धिं बुद्धिरित्यव्ययं महत्
असम्यग्दर्शनैर्दुःखमनन्तं नोपशाम्यति
वर्तते किमधिष्टानात्प्रसक्ता दुःखसंततिः
शृणुयात्तच्च मोक्षाय भाष्यमाणं भविष्यति
नित्यं मिथ्याविनीतानां क्लेशो दुःखावहो तमः
सुखत्यागा तपो योगं सर्वत्यागे समापना
विप्रहाणाय दुःखस्य दुर्गतिर्हि तथा भवेत्
बसषष्टानि वक्ष्यामि पञ्च कर्मेद्रियाणि तु
प्रजनान दयोमेढ्रो विसर्गो पायुरिन्द्रियम्
एवमेकादशेतानि बुद्ध्या त्ववसृजन्मनः
तथा स्पर्शे तथा रूपे तथैव रसगन्धयोः
येनायं त्रिविधो भावः पर्यायात्समुपस्थितः
त्रिविधा वेदाना येषु प्रसृता सर्वसाधिनी