इतीमं हृदयग्रथिं बुद्धिचिन्तामयं दृढम्
मलिनाः प्राण्नुयुः शुद्धिं यथा पूर्णां नदीं नराः
महानद्या हि पारज्ञस्तप्यते न तरन्यथा
एवं ये विदुरध्यात्मं कैवल्यं ज्ञानमुत्तमम्
अवेक्ष्य च शनैर्बुद्ध्या लभते च शमं ततः
अन्विष्य मनसा युक्तस्तत्त्वदर्शी निरुत्सुकः
तत्र तत्र विसृष्टेषु दुर्वापेष्वकृतात्माभिः
विज्ञाय तद्धि मन्यन्ते कतकृत्या मनीषिणः
नहि गतिरधिकास्ति कस्यचित्सति हि गुणेप्रवदत्यतुल्यताम्
नाप्रियं तदुभयं कुतः प्रियं तस्य तज्जनयतीह कुर्वतः
तत्र पश्य कुशलान्न शोचते जायते यदि भयं पदं सदा
यज्ज्ञात्वा मुच्यते ब्रह्मन्नरस्त्रिविधतापतः
यं ज्ञात्वा शाश्वतीं सिद्धिं गच्छन्तीह महर्षयः
महर्षयो ज्ञानतृप्ता निर्वाणगतमानसाः
जन्मदोषपारीक्षीणाः स्वभावे पर्यवस्थिताः
असंगान्य विधादीनि मनः शान्तिकराणि च
पिण्डीकृत्येन्द्रियग्राममासीनः काष्टवन्मुनिः
रूपं न चक्षुषा विन्द्याज्जिह्वया न रसांस्तथा
पञ्चवर्गप्रमाथीनि नेच्छेञ्चैतानि वीर्यवान्
समादध्यान्मनो भ्रान्तमिन्द्रियैः सह पञ्चभिः
पूर्वध्यानपथे धीरः समादध्यान्मनस्त्वरा
एष ध्यानपथः पूर्वो भया समनुवर्णितः
स्फुरिष्यति समुद्रान्ता विद्युदम्बुधरे यथा
एवमेवास्य चित्तं च भवति ध्यानवर्त्मनि
पुनर्वायुपथं भ्रान्तं मनो भवति वायुवत्
समादध्यात्पुनश्चेतो ध्यानेन ध्यानयोगवित्
मुनेः समाधियुक्तस्य प्रथमं ध्यानमादितः
न निर्वेदं मुनिर्गच्छेत्कुर्यादेवात्मनो हितम्
सहसा वारिणा सिक्ता न यान्ति परिभावनाः
क्रमेण तु शनैर्गच्छत्सर्वं तत्परिभावनम्