द्विजातिधर्मान्गृह्णन्ति पाखण्डलिङ्गिनो ऽधमाः
शूद्राधर्मान्प्रवक्ष्यन्ती कूटयुक्तपरायणाः
भविष्यन्तिदुरात्मानः शूद्राः प्रव्रजितास्तथा
धर्मटीनास्तु पाषण्डा कापाला भिक्षवो ऽधमाः
शूद्रा धर्मान्प्रवक्ष्यन्तिह्यधिरुह्योत्तमासनम्
पाषण्डाः प्रचारिष्यन्ति प्रायो वेदविदूषकाः
भविष्यन्तिकलौ प्रायो धर्मविध्वंसका नराः
हर्तारं परवित्तानां भवितारो नराधमाः
आत्मस्तुतिपराः सर्वे परनिन्दापरास्तथा
भविष्यन्ति नरा विप्र कलौ चाधर्मबान्धवाः
घोरे कलियुगे विप्र पञ्चवर्षा प्रसूयते
स्वकर्मत्यागिनः सर्वे कृतघ्नाभिन्नवृत्तयः
परावमाननिरताः प्रहृष्टाः परवेश्मनि
निदां कुर्वन्ति सततं पितृमातृसुतेषु च
धनविद्यावयोमत्ताः सर्वदुःखपरायणाः
प्रपुष्यन्ति वृथैवामी न विचार्य च दुष्कृतम्
धर्मकार्ये रतं चैव वृथाविश्रंभिणो जनाः
शूद्रा भैक्ष्यरताश्चैव तेषां शुश्रूषणे द्विजाः
न भार्या न पतिश्चैव भवितारो ऽत्र संकरे
रस विक्रयिणश्चापि भविष्यन्ति द्विजातयः
अपण्यविक्रयरता अगम्यागामिनस्तथा
शूद्रवृत्त्यैव जीवन्ति नरकार्हा द्विजा मुने
भविष्यन्ति कलौ मर्त्यासर्वे क्षुद्भयकातराः
आत्मानं तारयिष्यन्ति अनावृष्ट्यातिदुखिताः
कलौ सर्वे भविष्यन्ति स्वल्पभाग्या बहुप्रजाः
पतिवाक्यमनादृत्य सदान्यगृहतत्पराः
असद्वृत्ता भविष्यन्ति पुरुषेषु कुलाङ्गनाः
दुर्भिक्षकरपीडाभिरतीवोपद्रुता जनाः
निधाय हृद्यकर्मणि प्रेरयन्ति वचः शुभम्
भिक्षवश्चाव मित्रादिस्नेहसंबन्धयन्त्रिताः