न व्रतानि चरिष्यन्ति ब्राह्मणा द्रव्यलोलुपाः
द्विजाः कुर्वन्ति दंभार्थं पितृश्राद्धादिकाः क्रियाः
दुग्धलोभनिमित्तेन गोषु प्रीतिं च कुर्वते
अपात्रेष्वेव दानानि प्रयच्छन्ति नराधमाः
न कस्यापि मनो विप्र विष्णुभक्तिपरं भवेत्
ताडयन्ति द्विजान्दुष्टाः कृष्णे कृष्णत्वमागते
प्रतिग्रहं प्रकुर्वन्ति पतितानामपि द्विजाः
युगान्ते च हरेर्नाम नैवकश्चिद्वदिष्यति
शूद्रान्नभोगनिरता भविष्यन्ति कलौ द्विजाः
पाषण्डाश्चभविशष्यन्तिचतुराश्रमनिन्दकाः
द्विजातिधर्मान्गृह्णन्ति पाखण्डलिङ्गिनो ऽधमाः
शूद्राधर्मान्प्रवक्ष्यन्ती कूटयुक्तपरायणाः
भविष्यन्तिदुरात्मानः शूद्राः प्रव्रजितास्तथा
धर्मटीनास्तु पाषण्डा कापाला भिक्षवो ऽधमाः
शूद्रा धर्मान्प्रवक्ष्यन्तिह्यधिरुह्योत्तमासनम्
पाषण्डाः प्रचारिष्यन्ति प्रायो वेदविदूषकाः
भविष्यन्तिकलौ प्रायो धर्मविध्वंसका नराः
हर्तारं परवित्तानां भवितारो नराधमाः
आत्मस्तुतिपराः सर्वे परनिन्दापरास्तथा
भविष्यन्ति नरा विप्र कलौ चाधर्मबान्धवाः
घोरे कलियुगे विप्र पञ्चवर्षा प्रसूयते
स्वकर्मत्यागिनः सर्वे कृतघ्नाभिन्नवृत्तयः
परावमाननिरताः प्रहृष्टाः परवेश्मनि
निदां कुर्वन्ति सततं पितृमातृसुतेषु च
धनविद्यावयोमत्ताः सर्वदुःखपरायणाः
प्रपुष्यन्ति वृथैवामी न विचार्य च दुष्कृतम्
धर्मकार्ये रतं चैव वृथाविश्रंभिणो जनाः
शूद्रा भैक्ष्यरताश्चैव तेषां शुश्रूषणे द्विजाः
न भार्या न पतिश्चैव भवितारो ऽत्र संकरे
रस विक्रयिणश्चापि भविष्यन्ति द्विजातयः