उपद्रवा भविष्यन्ति ह्यधर्मस्य प्रवतनात्
प्रजाश्चाल्पायुषः सर्वा भविष्यन्ति कलौ युगे
कलिं विस्तरतो ब्रूहि त्वं हि धर्मविदां वरः
किमाहाराः किमाचाराः भविष्यन्ति कलौ युगे
कलिधर्मान्प्रवक्ष्यामि विस्तरेण यथातथम्
तस्मात्कलिर्महाघोरः सर्वपातकसंकरः
घोरे कलियुगे प्राप्ते द्विजा वेदपराङ्मुखाः
वृथाहॄङ्कारदुष्टाश्च सत्यहीनाश्च पण्डिताः
अधर्मलोलुपाः सर्वले तथा वैतंहिका नराः
अल्पायुष्ट्वान्मनुष्याणां न विद्याग्रहणं द्विज
व्यात्क्रमेण प्रजाः सर्वा म्नियन्ते पापतत्पराः
कामक्रोधपरा मूढा वृथासंतापपीडिताः
उत्तमा नीचतां यान्ति नीचाश्चोत्तमतां तथा
पीडयन्ति प्रजाश्चैव करैरत्यर्थयोजितैः
धर्मस्त्रीष्वपि गच्छन्ति पतयो जारधर्मिणः
परिस्त्रीनिरतः सर्वे परद्रव्यपरायणाः
घोरे कलियुगे विप्र सर्वे पापरता जनाः
सरित्तीरेषु कुद्दालैर्वापयिष्यन्ति चौषधीः
वेश्यालावंयशीलेषु स्पृहा कुर्वन्ति योषितः
वेदविक्रयकाश्चान्ये शूद्राचाररता द्विजाः
न व्रतानि चरिष्यन्ति ब्राह्मणा द्रव्यलोलुपाः
द्विजाः कुर्वन्ति दंभार्थं पितृश्राद्धादिकाः क्रियाः
दुग्धलोभनिमित्तेन गोषु प्रीतिं च कुर्वते
अपात्रेष्वेव दानानि प्रयच्छन्ति नराधमाः
न कस्यापि मनो विप्र विष्णुभक्तिपरं भवेत्
ताडयन्ति द्विजान्दुष्टाः कृष्णे कृष्णत्वमागते
प्रतिग्रहं प्रकुर्वन्ति पतितानामपि द्विजाः
युगान्ते च हरेर्नाम नैवकश्चिद्वदिष्यति
शूद्रान्नभोगनिरता भविष्यन्ति कलौ द्विजाः
पाषण्डाश्चभविशष्यन्तिचतुराश्रमनिन्दकाः