त एव भुवनं सर्वं पुंनति स्वाङ्घ्रिपांशुना
तत्रैव सर्वदेवाश्च तिष्टन्ति श्रीहरिस्तथा
तत्र सर्वाणि श्रेयांसि वर्द्धत्यहरहर्द्विज
न बाधन्ते ग्रहास्तत्र भूतवेताल कादयः
यतः संनिहितस्तत्र भगवान्मधुसूदनः
श्मशानसदृशं विद्यात्तद गृहं शुभवार्जितम् पुराणन्यायमीमांसा धर्मशास्त्राणि च द्विज
सांगा वेदास्तथा सर्वे विष्णोरूपं प्रकीर्तितम्
ते ऽपि यान्ति परं स्थानं सर्वकर्मनिबर्हणम्
यां शृण्वतां कीर्तयतां सद्यः पापक्षयो भवेत्
संवादः सुमहानासीत्तं वक्ष्यामि निशामय
अप्सरोगणसंकीर्णो बृहस्पतिमभाषत
अतीतब्रह्मणः कल्पे सृष्टिः कीदृग्विधा प्रभो
तेषां च कीदृशं कर्म यथावद्वक्तुमर्हसि
वर्तमानदिनस्यापि दुर्ज्ञेयं प्रतिभाति मे
यो विजानाति तं ते ऽद्य कथयामि निशामय
भुञ्जानो दिव्यभोगांश्च ब्रह्मलोकादिहागतः
एवमुक्तस्तु गुरुणा शक्रस्तेन समन्वितः
देवतागणसंकीर्णः सुधर्मनिलयं ययौ
दृष्ट्वा यथार्हं देवर्षे पूजयामास सादरम्
मनसा विस्मयाविष्टः प्रोवाच विनयान्वितः
तदाख्याहि समायात एतत्प्रष्टुं सयाजकः
तद्वदस्वाधिकः कस्मादस्मद्भ्यो ऽपि दिवि स्थितः
दानेन वा तपोभिर्वा कथमेतादृशः प्रभो
प्रोवाच विनयाविष्टः पूर्ववृत्तं यथाविधि
एकस्मिन् दिवसे शक्र मनवश्च चतुर्दश
इन्द्राणां चैव सर्वेषां मन्वादीनां च वासव
तेषां नामानि वक्ष्यामि शृणुष्व सुसमाहितः
उत्तमस्तामसश्चैव रैवतश्चाक्षुषस्तथा
नवमो दक्षसावर्णिः सर्वदेवहिते रतः
ततस्तु रुद्रसावर्णी रोचमानस्ततः स्मृतः