नियमानपि वक्ष्यामितुभ्यं ताञ्छृणु नारद
संध्योपासनमुख्याश्च नियमाः परिकीर्त्तिताः
तपो निगदितं सद्भिर्योगसाधनमुत्तमम्
अष्टाक्षरस्य मन्त्रस्य महावाक्यचयस्य च
स्वाध्यायं यस्त्यजेन्मूढस्तस्य योगो न सिध्यति
स्वाध्यायैस्तोष्यमाणाश्च प्रसीदन्ति हि देवताः
त्रिविधे ऽपि च विप्रेन्द्र पूर्वात्पूर्वात्परो वरः
जपस्तु वाचिकः प्रोक्तः सर्वयज्ञफलप्रदः
स तूपांशुर्जपः प्रोक्तः पूर्वस्माद्द्विगुणो ऽधिकः
स जपोमानसः प्रोक्तो योगसिद्धिप्रदायकः
तस्मात्स्वाध्यायसंपन्नो लभेत्सर्वान्मनोरथान्
संतोषहीनः पुरुषो न लभेच्छर्म कुत्रचित्
इतो ऽधिकं कदा लप्स्य इति कामस्तु वर्द्धते
यदृच्छालाभसंतुष्टो भवेद्धर्मपरायणः
मृज्जलाभ्यां बहिः शुद्धिर्भावशुद्धिस्तथान्तरम्
न फलन्ति मुनीश्रेष्ठ भस्मनि न्यस्तहव्यवत्
तस्माद्रागादिकं सर्वं परित्यज्य सुखी भवेत्
कृतशौचो ऽपि दुष्टात्मा चण्डालसदृशः स्मृतः
तमेव दैवतं हॄन्ति नरकं च प्रपद्यते
अलङ्कृतः सुराभाण्ड इव शान्तिं न गच्छति
न तान्पुंनति तीर्थानि सुराभाण्डमिवापगा
जानीयात्तं मुनिश्रेष्ठ महापातकिनां वरम्
कुर्वन्ति तत्फलं विद्यादक्षयं सुखदायकम्
हरिभक्तिर्दृढा यस्य हरिपूजेति गीयते
एभिर्विशुद्धमनसां मोक्षं हस्तगतं विदुः
अभ्यसेदासनंसम्यग्योगसाधनमुत्तमम्
कौर्मंवज्रासनं चैव वाराहं मृगचैलिकम्
वार्षभं नागमात्स्ये च वैयान्घं चार्द्धचन्द्रकम्
माकरं त्रैपथं काष्ठं स्थाणुं वैकर्णिकं तथा
त्रिंशत्संख्यान्यासनानि मुनीन्द्रैः कथितानि वै