परमज्ञानिनामेतत्परब्रह्मात्मकं द्विज
भाति विज्ञानभेदेन बहुरुपधरो ऽव्ययः
तस्मान्मायां त्यजेद्योगान्मुमुक्षुर्द्विजसत्तम्
अनिर्वाच्या ततो ज्ञेया भेदबुद्धिप्रदार्यिनी
तस्मादज्ञानविच्छेदो भवेद्रौजितमायिनाम्
ज्ञानिनां परमात्मा वै हृदि भाति निरन्तरम्
अष्टाङ्गैः सिद्ध्यते योगस्तानि वक्ष्यामि तत्त्वतः
प्राणायामः प्रत्याहारो धारणा ध्यानमेव च
एषां संक्षेपतो वक्ष्ये लक्षणानि मुनीश्वर
अक्रोधश्चानसूया च प्रोक्ताः संक्षेपतो यमाः
अहिंसा कथिता सद्भिर्योगसिद्धिप्रदायिनी
सत्यं प्राहुर्मुनिश्रेष्ठ अस्तेयं शृणु साम्प्रतम्
स्तेयमित्युच्यते सद्भिरस्तेयं तद्विपर्ययम्
ब्रह्मचर्यपरित्यागाज्ज्ञानवानपि पातकी
स चण्डालसमो ज्ञेयः सर्ववर्णबहिष्कृतः
तत्संभाषणमात्रेण ब्रह्महत्या भवेन्नृणाम्
तत्संगसंगिनां संगान्महापातकदोषभाक्
अपरिग्रह इत्युक्तो योगसंसिद्धिकारकः
क्रोधमाहुर्धर्मविदो ह्यक्रोधस्तद्विपर्ययः
असूया कीर्तिता सद्भिस्तत्त्यागो ह्यनसूयता
नियमानपि वक्ष्यामितुभ्यं ताञ्छृणु नारद
संध्योपासनमुख्याश्च नियमाः परिकीर्त्तिताः
तपो निगदितं सद्भिर्योगसाधनमुत्तमम्
अष्टाक्षरस्य मन्त्रस्य महावाक्यचयस्य च
स्वाध्यायं यस्त्यजेन्मूढस्तस्य योगो न सिध्यति
स्वाध्यायैस्तोष्यमाणाश्च प्रसीदन्ति हि देवताः
त्रिविधे ऽपि च विप्रेन्द्र पूर्वात्पूर्वात्परो वरः
जपस्तु वाचिकः प्रोक्तः सर्वयज्ञफलप्रदः
स तूपांशुर्जपः प्रोक्तः पूर्वस्माद्द्विगुणो ऽधिकः
स जपोमानसः प्रोक्तो योगसिद्धिप्रदायकः