न निन्देद्योगिनो विप्रान्व्रतिनो ऽपि यतींस्तथा
दर्शे च पौर्णमास्यां च यागं कुर्याद्यथाविधि
उपासनपरित्यागी सुरापीत्युच्यते बुधैः
दर्शे च प्रेतपक्षे च श्राद्धं कुर्याद्गृही द्विजः
नावधान्ये समायाते गृही श्राद्धं समाचरेत्
पुण्यक्षेत्रेषु तीर्थेषु गृही श्राद्धं समाचरेत्
वृथा भवति तत्सर्वमूर्द्धपुण्ड्रं विना कृतम्
वृथाचारः परित्याज्यस्तस्माच्छ्रेयो ऽर्थिभिर्द्विजैः
कार्या द्विजातिभिः सम्यक्सर्वकर्मफलप्रदाः
विष्णौ प्रसन्नतां याते किमसाध्यं द्विजोत्तम
यद्रूतां सर्वपापानि नश्यन्त्येव न संशयः
वृत्तिं संचिन्तयेद्विप्र कृतकेशप्रसाधनः
कुर्यान्मूत्रपुरीषे तु रात्रौ चेद्दक्षिणामुखः
वहन्काष्टं करेणैकं तावन्मौनी भवेद्द्विजः
तथा वृक्षस्य च्छायायां कान्तारे वह्निसन्निधौ
ब्राह्मणानां समीपे च तथा गोगुरुयोषिताम्
एवमादिषु देशेषु मलमूत्रं न कारयेत्
शौचाचारविहीनस्य समस्तं कर्म निष्फलम्
मृज्जलाभ्यां बहिः शुद्धिर्भावशुद्धिस्तथान्तरम्
न मूषकादिखनितां फआलोत्कृष्टां तथैव च
शौचं कुर्यात्प्रयत्नेन समादाय शुभां मृदम्
एतन्मूत्रमुत्सर्गे शौचमाहूर्मनीषिणः
सत्प तिस्रः प्रदातव्याः पादयोर्मृत्तिकाः पृथक्
एतच्छौचं गृहस्थस्य द्विगुणं ब्रह्मचारिणाम्
स्वस्थाने पूर्णशौचं स्यात्पथ्यर्द्धं मुनिसत्तम
गन्धलेपक्षयकरं शौर्चं कुर्याद्विचक्षणः
व्रतस्थानां तु सर्वेषां यतिवच्छौचमिष्यते
एवं शौचं तु निर्वर्त्य पश्चाद्वै सुसमाहितः
त्रिश्चतुर्धा पिबेदापो गन्धफेनादिवर्जिताः
तर्जन्यङ्गुष्ठयोगेन नासारन्ध्रद्वयं स्पृशेत्