दैवेनाप्यथवा विप्र केचिदार्षं प्रचक्षते
अभावेषु तु पूर्वेषां कुर्यादेव परान्बुधः
सुवर्णकुण्डले चैव धौतवस्त्रद्वयं तथा
धारयेद्वैणवं दण्डं सोदकं च कमण्डलुम्
धारयेत्पुष्पमाल्ये च सुगन्धं प्रियदर्शनः
परान्नं नैव भुञ्जीत परवादं च वर्जयेत्
न संहताभ्यां हस्ताभ्यां कण्डूयेदात्मनः शिरः
देवार्चाचमनस्नानव्रतश्राद्धक्रियादिषु
नारोहेदुष्ट्रयानं च शुष्कवादं च वर्जयेत्
नापसव्यं व्रजेद्विप्र गोश्चत्थानलपर्वतान्
असूयां मत्सरत्वं च दिवास्वापं च वर्जयेत्
स्वकं नाम स्वनक्षत्रं मानं चैवातिगोपयेत्
आसवद्यूतगीतेषु द्विजस्तु न रर्तिं चरेत्
सर्पं च भषणं स्पृष्ट्वा सचैलं स्नानमाचरेत्
स्पृष्ट्वा देवलकं चैव सवासा जलमाविशेत्
अजामार्जंनिमार्जाररेणुर्द्दैवं शुभं हरेत्
वृषलीपतिसङ्गं च दूरतः परिवर्जयेत्
तथैव नग्नशयनं सर्वदा परिवर्जयेत्
तांबूलमशुचिं नाद्यात्तथा सुप्तं न बोधयेत्
न वामहस्तेनैकेन पिबेद्वक्रेण वा जलम्
न निन्देद्योगिनो विप्रान्व्रतिनो ऽपि यतींस्तथा
दर्शे च पौर्णमास्यां च यागं कुर्याद्यथाविधि
उपासनपरित्यागी सुरापीत्युच्यते बुधैः
दर्शे च प्रेतपक्षे च श्राद्धं कुर्याद्गृही द्विजः
नावधान्ये समायाते गृही श्राद्धं समाचरेत्
पुण्यक्षेत्रेषु तीर्थेषु गृही श्राद्धं समाचरेत्
वृथा भवति तत्सर्वमूर्द्धपुण्ड्रं विना कृतम्
वृथाचारः परित्याज्यस्तस्माच्छ्रेयो ऽर्थिभिर्द्विजैः
कार्या द्विजातिभिः सम्यक्सर्वकर्मफलप्रदाः
विष्णौ प्रसन्नतां याते किमसाध्यं द्विजोत्तम