श्मश्रुव्यञ्जनसंयुक्तां कुब्जां चैवाद्वहेन्न च
विवादशीलां भ्रमितां निष्ठुरां नोद्वहेद्रुधः
अतिकृष्णां रक्तवर्णां धूर्तां नैवोद्वहे द्वुधः
तासश्वासादिसंयुक्तां निद्राशीलां च नोद्वहेत्
परापवादनिरतां तस्कारां नोद्वहेद्वुधः
गर्वितां बकवृत्तिं च सर्वथा नोद्वहेद्वुधः
प्रगल्भां वागुणां ज्ञात्वा सर्वथा तां परित्यजेत्
परानुकूलिनी या च सर्वथा तां परित्यजेत्
पूर्वः पूर्वो वरो ज्ञेयः पूर्वाभावे परः परः
गान्धर्वो राक्षसश्चैव पैशाचश्चाष्टमो मतः
दैवेनाप्यथवा विप्र केचिदार्षं प्रचक्षते
अभावेषु तु पूर्वेषां कुर्यादेव परान्बुधः
सुवर्णकुण्डले चैव धौतवस्त्रद्वयं तथा
धारयेद्वैणवं दण्डं सोदकं च कमण्डलुम्
धारयेत्पुष्पमाल्ये च सुगन्धं प्रियदर्शनः
परान्नं नैव भुञ्जीत परवादं च वर्जयेत्
न संहताभ्यां हस्ताभ्यां कण्डूयेदात्मनः शिरः
देवार्चाचमनस्नानव्रतश्राद्धक्रियादिषु
नारोहेदुष्ट्रयानं च शुष्कवादं च वर्जयेत्
नापसव्यं व्रजेद्विप्र गोश्चत्थानलपर्वतान्
असूयां मत्सरत्वं च दिवास्वापं च वर्जयेत्
स्वकं नाम स्वनक्षत्रं मानं चैवातिगोपयेत्
आसवद्यूतगीतेषु द्विजस्तु न रर्तिं चरेत्
सर्पं च भषणं स्पृष्ट्वा सचैलं स्नानमाचरेत्
स्पृष्ट्वा देवलकं चैव सवासा जलमाविशेत्
अजामार्जंनिमार्जाररेणुर्द्दैवं शुभं हरेत्
वृषलीपतिसङ्गं च दूरतः परिवर्जयेत्
तथैव नग्नशयनं सर्वदा परिवर्जयेत्
तांबूलमशुचिं नाद्यात्तथा सुप्तं न बोधयेत्
न वामहस्तेनैकेन पिबेद्वक्रेण वा जलम्