नमः स्मृतार्तिनाशाय भूयो भूयो नमो नमः
प्रत्यक्षतामगात्तेषां शङ्कचत्रगदाधरः
सर्वालङ्कारसंयुक्तं श्रीवत्साङ्कितवक्षसम्
स्तृयमानं मुनिवरैः पार्षदप्रवरावृत्तम्
नमश्चक्रुर्मुदा युक्ता अष्टाङ्गौरवनिं गताः
उवाच प्रीणयन्देवान्नतानिन्द्रपुरोगमान्
युष्मान्न बाधते देवाः स ऋषिः सज्जनाग्राणीः
सर्वथान्यं न बाधन्ते स्वप्ने ऽपि सुरसत्तमाः
अविधायात्मनो रक्षामन्यान्द्वेष्टि कथं सुधीः
अन्यं क्रीडयितुं शक्तः कथं भवति सत्तमः
नित्यं कामादिभिर्युक्तो मूढधीः प्रोच्यते तु सः
निःशङ्गः प्रोच्यते सद्भिरिहामात्र च सत्तमाः
गच्छध्वं स्वालयं स्वस्थाः क्रीडयिष्यति वो न सः
इति दत्वा वरं तेषामतसीकुसुमप्रभः
तुष्टात्मानः सुरगणां ययुर्नाकं यथागतम्
अरुपं परमं ब्रह्मस्वप्रकाशं निरञ्जनम्
दिव्यायुधधरं दृष्ट्वा मृकण्डुर्विस्मितो ऽभवत्
प्रसन्नवदनं शान्तं धातारं विश्वतेजसम्
ननाम दण्डवद्भूमौ देवदेव सनातनम्
शिरस्यञ्चलिमाधाय स्तोतुं समुपचक्रमे
अपारपाराय परानुकर्त्रे नमः परेभ्यः परपारणाय
बहुस्वरुपो ऽपि निरञ्जनो यस्तमीशमीढ्यं परमं भजामि
अनूपमं भक्ति जनानुकम्पिनं भजामि सर्वेश्वरमादिमीड्यम्
निवृत्तमोहाः परमं पवित्रं नतो ऽस्मि संसारनिर्वर्त्तकं तम्
जगत्सेव्यं जगाद्धाम परेशं करुणाकरम्
अवाप परमां तुष्टिं शङ्खचक्रगदाधरः
उवाच परमं प्रीत्या वरं बरय सुव्रत
मनसा यदभिप्रेतं वरं वरय सुव्रत
त्वद्दर्शनमपुण्यानां दुर्लभं च यतः स्मृतम्
धर्मिष्टा दीक्षिताश्वापि वीतरागा विमत्सराः