तत्सङ्गं प्राप्यते पुम्भिः सुकृतैः पूर्वसञ्चितैः
कामादिदोषनिर् मुक्तास्ते सन्तो लोकशिक्षकाः
यदि लभ्येत विज्ञेयं पुण्यं जन्मान्तरार्जितम्
सत्सङ्गतिर्भवेत्तस्य नान्यथा घटते हि सा
सन्तः सूक्तिमरीच्योश्चान्तर्ध्वान्तं हि सर्वदा
तेषां सङ्गो भवेद्यस्य तस्य शान्तिर्हि शाश्वती
तेषां लोको भवेत्कीदृक्तत्सर्वं ब्रूहि तत्त्वतः
एतान्निगदितुं शक्तस्त्वतो नास्त्यधिको ऽपरः
यमुवाच जगन्नाथो योगनिद्राविमोचितः
जगत्कर्त्ता शिवब्रह्म स्वरुपवान्
जगत्येकार्णवीभूते नष्टे स्थावरजङ्गमे
असंख्याताब्जजन्माद्यैराभूषिततनूरूहः
सूक्ष्मात्सूक्ष्मतरो देवो ब्रह्माण्डग्रासंबृंहितः
मार्कण्डेयः स्थिनस्तस्य लीलाः पश्यन्महे शितुः
हरिरेकः स्थित इति मुने पूर्वं हि शुश्रुम
सर्वग्रस्तेन हरिणा किमर्थं सो ऽवशेषितः
हरिकीर्तिसुधापाने कस्यालस्यं प्रजा यते
शालग्रामे महातीर्थे सो ऽतप्यत महातपाः
निराहारः क्षमायुक्तः सत्यसन्धो जितेन्द्रियः
सर्वभूतहितो दान्त स्तताप सुमहत्तपः
परेशं शरणं जग्मुर्नारायणमनामयम्
तुष्टुवुर्देवदेवेशं पह्मनाभं जगद्गुरुम्
मृकण्डुतपसा त्रस्तान्पाहि नः शरणागतान्
जयो लोकस्वरुपाय जयो ब्रह्माण्डहेतवे
नमस्ते लोकनाथाय नमस्ते लोकसाक्षिणे
नमस्ते ध्यानरुपाय नमस्ते ध्यानपाक्षिणे
नमो भूम्यादिरूपाय नमश्चैतन्यरुपिणे
अरुपाय स्वरुपाय बहुरुपाय ते नमः
जगद्धिताय कृष्णाय गोविन्दाय नमोनमः
नमः सूर्य्यादिरुपाय हव्यकव्यभुजे नमः