स्वभावशुद्धं परिपूर्णभावं वदन्ति यज्ज्ञानतनुं च तज्ज्ञाः
जगत्स्वरुपो जगदादिनाथस्तस्मै नताः स्मः पुरुषोत्तमाय
तमीशमीड्यं पुरुषं पुराणं नताः स्म विष्णुं पुरुषाथसिद्ध्यै
कालात्मकं तं त्रिदशाधिनाथं नमामहे वै पुरुषार्थरुपम्
तमादिदेवं गुणसन्निधानं सर्वोपदेष्टारमिताः शरण्यम्
सच्चित्परानन्दघनस्वरुपं रुपादिहीनं प्रणताः स्म देवम्
यज्ञाप्रियं यज्ञकरं विशुद्धं नताः स्म सर्वोत्तममव्ययं तम्
चरितं तस्य राजर्षेर्देवानां संन्यवेदयत्
जगाम यत्र राजर्षिस्तपस्तपति नारद
प्रत्यक्षतामगात्तस्य राज्ञः सर्वजगद्गुरुः
अतिसीपुष्पंसंकाशं स्फुरत्कुण्डलमण्डितम्
श्रीवत्सकौस्तुमधरं वनमालाविभूषितम्
ननाम दण्डवद्भूमौ भूपतिर्नम्रकन्धरः
कृष्ण कृष्णेति श्रीकृष्णेति समुच्चरन्
उवाच कृपयाविष्टो भगवान्भूतभावनः
आगमिष्यन्ति मल्लोकं तव पूर्वपितामहाः
स्तुहि ते सकलं कामं सवै सद्यः करिष्यन्ति
तस्मादाराधयेशानं स्तोत्रैः स्तुत्यं सुखप्रदम्
त्वया संपुजितो राजन्सद्यः श्रेयो विधास्यति
अन्तर्दधे मुनिश्रेष्ठ उत्तस्थौसो ऽपि भूपतिः
भूपतिर्विस्मयं प्रात्पः किं करोमीति विस्मितः
सत्यमेतदिति व्यक्तं न चिन्तां कर्तुमर्हसि
समस्तदेवताराजमस्तौषीद्भक्तितत्परः
प्रमाणागोचरं देवमीशानं प्रणवात्मकम्
विश्वरुपं विरुपाक्ष प्रणतो ऽस्म्युग्ररेतसम्
समामनन्ति योगीन्द्रा स्तं वन्दे पुष्टिवर्धनम्
नमो ऽस्तु नीलग्रीवाय पसूनां पतये नमः
नमो ऽकल्पप्रकल्पाय भूतानां पतये नमः
नमः कपालहस्ताय पाशमुद्गरधारिणे
नमः पञ्चास्यदेवाय क्षेत्राणां पतये नमः