शुभं वाप्यशुभं विप्र तं तु शान्तं विदुर्बुधाः
एवमादि विदित्वा तु नायं भर्ता निपातितः
गतिं प्रयातः कृतिनां त्वद्धस्तविनिपातितः
त्वत्प्राणरक्षणे धर्मो ममाभूद्द्विजसत्तम
राक्षसीं योनिमापन्ना राक्षसस्य प्रिया ह्यहम्
धर्मकामदुघा धेनुः संतोषो नन्दनं वनम्
वैतरण्यां पतन्भर्ता मयोद्धृत इहाभवत्
इयं त्वसंगिनी भार्या भविष्यति पितुर्गृहे
मत्संगमात्पूर्वमेव या भार्या विप्र ते ऽभवत्
सापि तिर्यग्गतिं प्राप्य मुच्यते मदनुग्रहात्
कन्दलीति च विख्याता तनयौर्वमुनेर्द्विज
पुरुषो मे सहभवो दमितो धर्मकारणात्
तं पतिं प्राप्य विप्रेन्द्र प्राक्कर्मवशागा ह्यहम्
किञ्चित्पापावशेषेण राक्षसीं योनिमागता
गोभिलो नाम तेजस्वी स त्वया विनिपातितः
कस्याश्चिद्राजकन्यायाः स्त्रियाऽरब्धा मृतिस्तव
शुभस्य बलमापन्ना जाता तव सहायिनी
भार्याथ पापिना ब्रह्मंस्तेन व्यापादितो मया
ततस्त्वां गोपयिष्यामि सर्वभावेन कामुक
कृत्स्नस्य पुरुषस्येह सन्निधौ व्याहृतो मया
मद्वाक्ये भवता स्थेयं सर्वकृत्येषु मानद
प्रतिपेदे वचः सर्वं यत्कृतं हि तया तदा
करेणुरूपिणी भूत्वा पृष्ठे कृत्वा पतिं मम
ययावाकाशमार्गेण काशीमभि मुलोचने
त्रिभिर्मुहूर्तैः संप्राप्ता काशीं विश्वेशमन्दिरम्
इयं पापतरोः कान्त कुठारा परिकीर्तिता
कर्मबीजोपशमनी सर्वेषां गतिदायिका
नावैष्णवे स्थले मुक्तिः सर्वस्य तु कदाचन
मुक्तिदा सर्वजन्तूनां सर्वपापप्रणाशिनी
सर्वलोकैककर्तारं भ्राजमानं स्वतेजसा