अस्माकं संशयः कश्चिद्धृदये संप्रवर्तते
तिथेः प्रान्तमुपोष्यं स्यादाहोस्विन्मूलमेव च
तिथेः प्रान्तं सुराणां हि उपोष्यं प्रीतिवर्द्धनम्
अतः प्रान्तमुपोष्यं हि तिथेर्दशफलेप्सुभिः
पूर्वविद्धा न कर्तव्या द्वितीया चाष्टमी तथा
पूर्वविद्धा द्विजश्रेष्ठाः कर्तव्या सप्तमी सदा
पूर्वविद्धानिमांस्त्यक्त्वा नरकं प्रतिपद्यते
एतच्छ्रुतं मया विप्राः कृष्णद्वैपायनात्पुरा
पूर्वविद्धा तु मन्तव्या प्रभूता नोदयं विना
पित्र्ये ऽस्तमनवेलायां स्पर्शे पूर्णा निगद्यते
प्रत्यहं शोधयेत्प्राज्ञस्तिथिं दैवज्ञचिन्तकात्
चन्द्रार्कचारविज्ञानात्कालं कालविदो विदुः
वर्जयन्ति नरास्तज्ज्ञा यामांश्च चतुरो द्विजाः
न दिवा शुद्धिमाप्नोति तदा रात्रौ विधीयते
विधिरेष मया ख्यातो नराणामुपवासिनाम्
स्नानार्चनक्रिया कार्य्या दानहोमादिसंयुता
शतयज्ञाधिकं वापि नरः प्राप्नोत्यसंशयम्
पितृतर्पणसंयुक्तं न दृष्ट्वा द्वादशीदिनम्
करोति धर्महरणमस्नातेव सरस्वती
उपोष्या द्वादशी पुण्या पूर्वविद्धां विवर्जयेत्
तदोपवासो हि कथं कर्तव्यो मानवैर्वद
द्वितीये ऽह्नि यदा न स्यात्स्वल्पाप्येकादशी तिथिः
यदा न प्राप्यते विप्रा द्वादश्यां पूर्वसम्भवम्
बह्वा गमविरोधेषु ब्राह्मणेषु विवादिषु
एकादश्यां तु विद्धायां संप्राप्ते श्रवणे तथा
एष वो निर्णयः प्रोक्तो मया शास्त्रविनिर्णयात्
युगादीनां वदविधिं सौते सम्यग्यथातथम्
द्वे शुक्ले द्वे तथा कृष्णे युगाद्याः कवयो विदुः
अयनं दिनभागाढ्यं संक्रमः षोडशः पलः
मध्यकाले तु विषुवे त्वक्षया परिकीर्तिता