हैमं ह्यशोकं निर्माय पूजयित्वा विधानतः
अष्टोत्तरशतं विप्र मन्त्रेणानेन सादरम्
लोकोपकारकरणस्तत्प्रसीद शिवप्रिय
समभ्यर्च्य विधानेन द्विजं संभोज्य दापयेत्
पुत्रपौत्रादि सहिता भर्तुश्च स्यात्सुवल्लभा
प्रदोषे तैलदीपं तु प्रज्वाल्याभ्यर्च्य यत्नतः
एवं कृते तु विप्रेन्द्र यमपीडा न जायते
पुनः स्नात्वा प्रदोषे तु वाग्यतः सुसमाहितः
प्रदीपयेच्छिवं वापि द्वात्रिंशद्दीपमालया
फलैर्नानाविधैश्चैव नैवेद्यैरपि नारद
तानि नामानि कीर्त्यन्ते सर्वाभीष्टप्रदानि वै
कपर्द्दिने सुरेशाय व्योमकेशाय वै नमः
दिगंबराय भृङ्गाय उमाकान्ताय वर्द्धिने
व्यालप्रियाय व्यालाय व्यालानां पतये नमः
त्रिपुरघ्नाय सिंहाय शार्दूलायार्षभाय च
वेदगीताय गुप्ताय वेदगुह्याय वै नमः
नमो जगत्प्रतिष्ठाय व्योमरूपाय वै नमः
गजकृत्ति धरायाथ अन्धकासुरभेदिने
भक्तिप्रियाय देवाय यज्ञान्तायाव्ययाय च
त्रिनेत्राय त्रिवेदाय वेदाङ्गाय नमो नमः
विश्वरूपाय विश्वाय विश्वनाथाय वै नमः
अरूपाय विरूपाय सूक्ष्मसूक्ष्माय वै नमः
शशाङ्कशेखरायाथ रुद्रभूमिश्रिताय च
लिङ्गरूपाय लिङ्गाय लिङ्गानपतये नमः
नमः प्रभावरूपाय प्रभावार्थाय वै नमः
त्रियंबकाय शितिकण्ठभार्गिणे गौरीयुजे मङ्गलहेतवे नमः
पठित्वा दक्षिणीकृत्य प्रायान्निजनिकेतनम्
भुक्त्वेह भोगानखिलानन्ते शिवपदं लभेत्
त्रिकालमेककालं वा शिवसंगमसंभवम्
घटे मङ्गलपट्टे वा भोजयेद्द्विजदंपती