चन्दनाद्यैस्तथा पुष्पमालाभिः प्रार्च्य ताम्रके
प्रदद्यात्पादमूले ऽस्या मन्त्रेणानेन नारद
सर्वदेवमये देवि सर्वदेवैरलङ्कृते
ततो माषादिसंसिद्धान्वटकांश्च निवेदयेत्
सुरभि त्वं जगन्माता नित्यं विष्णुपदे स्थिता
सर्वदेवमये देवि सर्वदेवैरलङ्कृते
तद्दिने तैलपक्वं च स्थालीपक्वं द्विजोत्तम
द्वादश्यामूर्जशुक्लायां देवं दामोदरं द्विज
तदग्रे भोजयेद्विप्रान्पक्वान्नेनार्कसंख्यकान्
सपूगमोदकस्वर्णांस्तेभ्यः प्रीत्या समर्पयेत्
देहान्ते विष्णुसायुज्यं लभते नात्र संशयः
सुप्तोत्थितं जगन्नाथमलङ्कृत्य निशागमे
हुत्वा तत्र समुद्दीप्ते रौप्य दीपिकया मुने
तत्रैवानुगतां लक्ष्मीं ब्रह्माणीं चण्डिकां तथा
मातॄः पितॄन्नगान्नागान्सर्वान्नीराजयेत्क्रमात्
नमो जयेति शब्दैश्च घण्टाशङ्खा दिनिःस्वनैः
गवां कोलाहले वृत्ते नीराजनमहोत्सवे
राजचिह्नानि सर्वाणि च्छत्रादीनि च नारद
पूजयित्वा यथान्यायं नीरज्य स्वयमादरात्
सिंहासने नवे कॢप्ते तिष्ठेत्सम्यगलङ्कृतः
शीर्षोपरि नरेद्रस्य तया नीराजयेच्छनैः
राज्ञा वित्तवतान्येन वर्षमारोग्यमिच्छता
नीराजनाभिधा विप्र तद्रोगा यान्ति संक्षयम्
मनोभवस्तथा प्राणो नरो यातश्च वीर्यवान्
विभुश्चापि प्रभुश्चैव साध्या द्वादश कीर्तिताः
ततो द्विजाग्र्यान्संभोज्य द्वादशात्र सुदक्षिणाः
एतस्यामेव विदितं द्वादशादित्यसंज्ञितम्
धातामित्रोर्ऽयमा पूषा शक्रोंऽशो वरुणो भगः
प्रतिमासं तु शुक्लायां द्वादश्यामर्च्य यत्नतः
हैमीः संपूज्य विधिना भोजयित्वा द्विजोत्तमान्