व्रतेनानेन संतुष्टो देवदेवस्त्रिविक्रमः
आषाढशुक्लद्वादश्यां द्विजान्द्वादश भोजयेत्
तभ्यो वासांसि दण्डांश्च ब्रह्मसूत्राणि मुद्रिकाः
द्वादश्यां तु नभःशुक्ले श्रीधरं पूजयेद्व्रती
संभोज्य दक्षिणा रौप्यां दत्वा नत्वा विसर्ज्जयेत्
द्वादश्यां नभस्यशुक्ले व्रती संपूज्य वामनम्
सौवर्णी दक्षिणां दत्वा विष्णुप्रीतिकरो भवेत्
गन्धाद्यैरुपचारैस्तु तदग्रे भोजयेद्द्विजान्
व्रतेनैतेन संतुष्टः पद्मनाभो द्विजोत्तम
कार्तिके कृष्णपक्षे तु गोवत्सद्वादशीव्रतम्
चन्दनाद्यैस्तथा पुष्पमालाभिः प्रार्च्य ताम्रके
प्रदद्यात्पादमूले ऽस्या मन्त्रेणानेन नारद
सर्वदेवमये देवि सर्वदेवैरलङ्कृते
ततो माषादिसंसिद्धान्वटकांश्च निवेदयेत्
सुरभि त्वं जगन्माता नित्यं विष्णुपदे स्थिता
सर्वदेवमये देवि सर्वदेवैरलङ्कृते
तद्दिने तैलपक्वं च स्थालीपक्वं द्विजोत्तम
द्वादश्यामूर्जशुक्लायां देवं दामोदरं द्विज
तदग्रे भोजयेद्विप्रान्पक्वान्नेनार्कसंख्यकान्
सपूगमोदकस्वर्णांस्तेभ्यः प्रीत्या समर्पयेत्
देहान्ते विष्णुसायुज्यं लभते नात्र संशयः
सुप्तोत्थितं जगन्नाथमलङ्कृत्य निशागमे
हुत्वा तत्र समुद्दीप्ते रौप्य दीपिकया मुने
तत्रैवानुगतां लक्ष्मीं ब्रह्माणीं चण्डिकां तथा
मातॄः पितॄन्नगान्नागान्सर्वान्नीराजयेत्क्रमात्
नमो जयेति शब्दैश्च घण्टाशङ्खा दिनिःस्वनैः
गवां कोलाहले वृत्ते नीराजनमहोत्सवे
राजचिह्नानि सर्वाणि च्छत्रादीनि च नारद
पूजयित्वा यथान्यायं नीरज्य स्वयमादरात्
सिंहासने नवे कॢप्ते तिष्ठेत्सम्यगलङ्कृतः