एवं यः कुरुते विप्र पद्माव्रतमनुत्तमम्
इषस्य कृष्णैका दश्यामिन्दिरां समुपोष्य वै
विष्णोः प्रीतिकरं विप्र ततः प्रातर्हरेर्दिने
विसृज्य दक्षिणां दत्वा तांस्ततो ऽश्नीत च स्वयम्
पितॄणां कोटिमुद्धृत्य यात्यन्ते वैष्णवं गृहम्
उपोष्य विधिवद्विष्णोर्दिने विष्णुं समर्चयेत्
भक्त्या प्रणम्य विसृजेदश्नीयाच्च स्वयं ततः
स भुक्त्वेह वरान्भोगान्याति विष्णोः सलोकताम्
रमामुपोष्य विधिवद्द्वादश्यां प्रातरर्चयेत्
भोजयेच्च ततो विप्रान्विसृजेल्लब्धदक्षिणान्
व्योमयानेन सांनिध्यं लभते च रमापतेः
केशवं बोधयेद्रात्रौ सुप्तं गीतादिमङ्गलैः
द्राक्षेक्षुदाडिमैश्चान्यै रंभाशृङ्गाटकादिभिः
स्नात्वा नित्यक्रियां कृत्वा गदादामोदरं यजेत्
संभोज्य विप्रान्विसृजेद्दक्षिणाभिः प्रतोषितान्
एवं यः कुरुते भक्त्या बोधिनीव्रतमादृतः
मार्गस्य कृष्णैकादश्यामुत्पन्नां समुपोष्य वै
ततः संभोज्य विप्राग्र्यान्दत्वा तेभ्यश्च दक्षिणाम्
एवं यो भक्तिभावेन उत्पन्नाव्रतमाचरेत्
मार्गस्य शुक्लैकादश्यां मोक्षाख्यां समुपोष्य वै
सर्वैरेवोपचारैस्तु विप्रान्संभोजयेद्द्विजः
एवं कृत्वा व्रतं विप्र भुक्त्वा भोगानिहेप्सितान्
द्वादश्यामच्युतं प्रार्च्य सर्वैरेवोपचारकैः
एवं कृत्वा व्रतं विप्र सफलाया विधानतः
पौषस्य शुक्लैकादश्यां पुत्रदां समुपोष्य वै
ततः संभोज्य विप्राग्र्यान्दत्वा तेभ्यस्तु दक्षिणाम्
एवं कृतव्रतो विप्र भुक्वा भोगानिहेप्सितान्
माघम्य कृष्णैकादश्यां षट्तिलां समुपोष्य वै
तिलैरेव द्विजश्रेष्ठ द्वादश्यां प्रातरेव हि
द्विजान्संभोज्य विसृजेद्दत्वा तेभ्यश्च दक्षिणाम्