देवांनगिरसो नाम दश सम्यक्समर्चयेत्
आत्मा ह्यायुर्मनो दक्षो मदः प्राणस्तथैव च
दश विप्रान्भोजयित्वा मधुरान्नेन नारद
अन्त्यशुक्लदशम्यां तु चतुर्दशं यमान्यजेत्
वैवस्वतश्च कालश्च सर्वभूतक्षयस्तथा
वृकोदरश्चचित्रश्च चित्रगुप्तश्चतुर्दश
तिलांबुमिश्राञ्जलिभिर्दर्भैः प्रत्येकशस्त्रिभिः
रक्तचन्दनसंमिश्रतिलाक्षतयवांबुभिः
गृहाणार्घ्यं मया दत्तं भक्त्या मामनुकंपय
रौप्यां सुदक्षिणां दत्वा विसृज्याश्नीत च स्वयम्
भुक्त्वा भोगांश्च पुत्रार्थानैहिकान्देवदुर्लभान्
विमानवरमास्थाय देहान्ते विष्णुलोकभाक्
नानापुष्पैर्मुने कृत्वा विचित्रं मण्डपं शुभम्
संपूज्य विधिवद्विष्णुं श्रद्धया सुसमाहितः
स्तोत्रपाठैर्बहुविधैर्गीतवाद्यैर्मनोहरैः
रात्रौ जागरणं कृत्वा याति विष्णोः परं पदम्
कृत्वा च नियमान्सर्वान्वक्ष्यमाणान्दिनत्रये
उपचारैः षोडशभिस्ततः संभोज्य बान्धवान्
इयं तु कामदा नाम सर्वपातकनाशिनी
वैशाखकृष्णैकादश्यां समुपोष्य विधानतः
स्वर्णान्नकन्याधेनूनां दानमत्र प्रशस्यते
सर्वपाप विनिर्मुक्तो वैष्णवं लभते पद्वम्
स्नात्वा परे ऽह्नि संपूज्य गन्धाद्यैः पुरुषोत्तमम्
जेष्ठस्य कृष्णकादश्यां समुपोष्य परां नृप
ततो द्विजाग्र्यान्संभोज्य दत्वा तेभ्यश्च दक्षिणाम्
ज्येष्ठस्य शुक्लैकादश्यां निर्जलां समुपोष्य तु
प्रभाते कृतनित्यस्तु द्वादश्यामुपचारकैः
चतुर्विंशैकादशीनां फलं यत्तत्समाप्नुयात्
नारायणं समभ्यर्च्य द्वादश्यां कृतनित्यकः
सर्वदानफलं प्राप्य मोदते विष्णुमन्दिरे