एतैश्च नामभिर्नित्यं कृष्णदेवं समर्चयेत्
एवं दशदिनं कुर्याद्व्रतानामुत्तमं व्रतम्
कृष्णमन्त्रेण जुहुयाच्चरुणाष्टोत्तरं शतम्
सौवर्णे ताम्रपात्रे वा मृन्मये वेणुपात्रके
हैमीं च प्रतिमां कृत्वा पूजयित्वा विधानतः
दातव्या गौः सवत्सा च वस्त्रालङ्कारभूषिता
ताश्च दद्याद्विधिज्ञाय स्वयं वा भक्षयेद्व्रती
दशमे ऽह्नि ततो मूर्तिं सद्रव्यां गुरवेर्ऽपयेत्
दद्यादेव दशाब्दं तु कृत्वा व्रतमनुत्तमम्
अन्ते कृष्णस्य सायुज्यं लभते नात्र संशयः
केवलेनोपवासेन तस्मिञ्जन्मदिने हरेः
उपवासी तिलैः स्नातो नद्यादौ विमले जले
तन्मध्ये कलशं स्थाप्य ताम्रजं वापि मृन्मयम्
हैमीं वस्त्रयुगाच्छन्नां कृष्णस्य प्रतिमां शुभम्
देवकीं वसुदेवं च यशोदां नन्दमेव च
तत आरार्तिकं कृत्वा क्षमाप्यानम्य भक्तितः
पञ्चामृतैः शुद्धजलैर्गन्धाद्यैः पूजयेत्पुनः
साज्यं रौप्ये धृतं पात्रे नैवेद्यं विनिवेदयेत्
विचिन्तयन्मृगाङ्काय दद्यादर्घ्यं समुद्यते
पौराणिकैः स्तोत्रपाठैर्गीतवाद्यैरनेकधा
दत्वा च दक्षिणां तेभ्यो विसृजेत्तुष्टमानसः
गुरवे दक्षिणां दत्वा विसृज्याश्रीत च स्वयम्
साक्षाद्गोकमाप्नोति विमानवरमास्थितः
कृतेन येन लभ्येत कोट्यैकादशकं फलम्
पूर्ववद्राधिकां हैमीं कलशस्थां प्रपूजयेत्
शक्तो भक्तश्चोपवासं परे ऽह्नि विधिना ततः
कृत्वा स्वयं च भुञ्जीतं व्रतमेवं समापयेत्
रहस्यं गोष्ठजं लब्ध्वा राधापरिकरे वसेत्
शुचौ देशे प्रजातायां द्वर्वायां द्विजसत्तम
नैवेद्यैरर्चयेद्भक्त्या दध्यक्षतफलादिभिः