अतो ऽस्यां पूजनं तस्य यथोक्तविधिना द्विज
सुवर्णदक्षिणां दत्वा विसृज्याश्नीत च स्वयम्
द्विजोब्राह्मं तथा शूद्रः सत्कुलेजन्म चाप्नुयात्
उपोष्य भानुं त्रिःसन्ध्यं समभ्यर्च्य धरास्थितः
द्विजाय दत्वा भोज्यान्यान्सप्ताष्टभ्यश्च दक्षिणाम्
अभयाख्यं व्रतं त्वेतत्सर्वस्याभयदं स्मृतम्
एकमेवेति च प्रोक्तमेकदैवतया बुधैः
समुपोष्य दिने तस्मिन्सम्पूज्यादित्यबिम्बकम्
परे ऽह्नि विप्रान्सम्भोज्य पायसेन तु सप्त वै
सौवर्णं तु रवेर्बिम्बं युक्तं दक्षिणया न्यया
एतत्सर्वाप्तिदं नाम संप्रोक्तं सार्वकामिकम्
माघस्य शुक्लसप्तम्यामचलाख्यं व्रतं स्मृतम्
रथाख्या सप्तमी चेयं चक्रवर्तित्वदायिनी
यो भावभक्तिसहितः स गतो हि लोकं शम्भोः स मोदत इहापि च भुक्तभोगः
अरुणोदयवेलायामस्यां स्नानं विधीयते
निधाय शिरसि स्नायात्सप्तजन्माघशान्तये
यो माघसितप्तम्यां पूजयेन्मां विधानतः
तस्माज्जितेन्द्रियो भूत्वा समुपोष्य दिवानिशम्
दध्योदनेन पयसा पायसेन च भोजयेत्
लभते स तु सत्पुत्रं चिरायुषमनामयम्
अर्कपत्रैर्यजेदर्कमर्कपत्राणि चाश्नुयात्
धनदं पुत्रदं चैतत्सर्वपापप्रणाशनम्
यज्ञव्रतं तथाप्यन्ये विधिवद्धोमकर्मणा
भास्कराराधनं प्रोक्तं सर्वकामिकमित्यलम्
प्रदक्षिणशतं कृत्वा कार्यो यात्रामहोत्सवः
अत्रैवाशो ककलिकाप्राशनं समुदाहृतम्
चैत्रे मासि सिताष्टम्यां न ते शोकमवाप्नुयुः
वैशाखस्य सिताष्टम्यां समुपोष्यात्र वारिणा
स्नापयित्वार्च्य गन्धाद्यैर्नैवेद्यं शर्करामयम्
ज्योतिर्मयविमानेन भ्राजमानो यथा रविः