शारीरकविनिर्देशो यमलोकस्य वर्णनम्
मृत्योः पूर्वक्रियाख्यानं पश्चात्कर्मनिरूपणम्
सूतकस्याथ संख्यांनं नारायणबलिक्रिया
अपमृत्युक्रियोक्तिश्च विपाकः कर्मणां नृणाम्
स्वर्गतौ विहिताख्यानं स्वर्गसौख्यनिरूपणम्
पञ्चोर्द्ध्वलोककथनं ब्रह्माण्डस्थितिकीर्तनम्
आत्यन्तिकं लयाख्यानं फलस्तुति निरूपणम्
कीर्तितं पापशमनं पठतां शृण्वतां नृणाम्
सौवर्णहंसयुग्माढ्यं विप्राय स दिवं व्रजेत्
यच्च द्वादशसाहस्रमादिकल्पकथायुतम्
चतुर्थ उपसंहारः पादाश्चत्वार एव हि
तृतीयो मध्यमो भागश्चतुर्थस्तूत्तरो मतः
हिरण्यगर्भोत्पत्तिश्च लोककल्पनमेव च
कल्पमन्वन्तराख्यानं लोकज्ञानं ततः परम्
महादेवविभूतिश्च ऋषिसर्गस्ततः परम्
प्रियव्रतान्वयोद्देशः पृथिव्यायामविस्तरः
जम्ब्वादिसप्तद्वीपाख्या ततो ऽधोलोकवर्णनम्
आदित्यव्यूहकथनं देवग्रहानुकीर्तनम्
अमावास्यानुकथनं युगतत्त्वनिरूपणम्
युगप्रजालक्षणं च ऋषिप्रवरवर्णनम्
शेषमन्वन्तराख्यानं पृथिवीदोहनं ततः
अथोपोद्घातपादे तु सप्तर्षिपरिकीर्तनम्
ततो जयाभिलाषश्च मरुदुत्पत्तिकीर्तनम्
पितृकल्पानुकथनं श्राद्धकल्पस्ततः परम्
मनुपुत्रान्वयश्चान्तो गान्धर्वस्य निरूपणम्
अमावसोरन्वयश्च रजेश्चरितमद्भुतम्
कार्तवीर्यस्य चरितं जामदग्न्यं ततः परम्
भार्गवस्यानुचरितं पितृकार्यवधाश्रयम्
देवासुराहवकथा कृष्णाविर्भाववर्णनम्
विष्णुमाहात्म्यकथनं बलिवंशनिरूपणम्