देवासुरविमर्दश्च वास्तुविद्या तथैव च
प्रासादलक्षणं तद्वन्मण्डपान च लक्षणम्
कल्पानुकीर्तनं तद्वत्पुराणे ऽस्मिन्प्रकीर्तितम्
यः पठेच्छृणुयाद्वापि स याति भवनं हरेः
विप्रायाभ्यर्च्य विषुवे स याति परमं पदम्
गरुडायाब्रवीत्पृष्टो भगवान्गरुडासनः
पुराणोपक्रमप्रश्नः सर्गः संक्षेपतस्ततः
श्राद्धपूजा ततः पश्चान्नवव्यूहार्चनं द्विज
योगाध्यायस्ततो विष्णोर्नामसाहस्रकीर्तनम्
मालामन्त्रः शिवार्चाथ गणपूजा ततः परम्
विष्ण्वर्चा पञ्चतत्त्वार्चा चक्रार्चा देवपूजनम्
पूजा माहेश्वरी चातः पवित्रारोपणार्चनम्
प्रतिष्ठा सर्वदेवानां पृथक्पूजा विधानतः
द्वीपेशनरकाख्यानं सूर्यव्यूहश्च ज्योतिषम्
माहात्म्यमथ तीर्थानां गयामाहात्म्यमुत्तमम्
पित्राख्यानं वर्णधर्मा द्रव्यशुद्धिः समर्पणम्
जननाख्यं प्रेतशौचं नीतिशास्त्रं व्रतोक्तयः
रामायणं हरेर्वंशो भारताख्यानकं ततः
रोगघ्नं कवचं विष्णोर्गारुडं त्रैपुरो मनुः
ओषघीनाम कथनं ततो व्याकरणोहनम्
तर्पणं वैश्वदेवं च संध्या पार्वणकर्म च
प्रतिसंक्रम उक्ताः स्म युगधर्माः कृतेः फलम्
माहात्म्यं वैष्णवं चाथ नारसिंहस्तवोत्तमम्
वेदान्तसांख्यसिद्धान्तो ब्रह्मज्ञानं तथाल्मकम्
अथास्यैवोत्तरे खण्डे प्रेतकल्पः पुरोदितः
धर्मप्रकटनं पूर्वं योगिनां गतिकारणम्
यमलोकस्थमार्गस्य वर्णन च तः परम्
निष्कृतिर्यममार्गस्य धर्मराजस्य वैभवम्
प्रेतानां चरिताख्यानं कारणं प्रेततां प्रति
प्रेतत्वमोक्षणाख्यानं दानानि च विमुक्तये