पङ्गुतीर्थयमतीर्थवाराहतीर्थवर्णनम्
कात्यायन्याश्च माहात्म्यं ततः पिण्डारकस्य च
कपिलाग्नितीर्थकथा तथा रक्तानुबन्धजा
चण्डीस्थाननागोद्भवशिवकुण्डमहेशजा
उद्दालकेशसिद्धेशगततीथकथा पृथक्
कुलसंतारमाहात्म्यं रामकोट्याह्वतीर्थयोः
त्रिपुष्कररुद्रह्रदगुहेश्वर कथा शुभा
महौजसः प्रभावश्च जंबूतीर्थस्य वर्णनम्
द्वारकायाश्च माहात्म्ये चन्द्रशर्मकथानकम्
महाद्वादशिकाख्यानं प्रह्लादर्षिसमागमः
गोमत्युत्पत्तिकथनं तस्यां स्नानादिजं फलम्
सनकादिह्रदाख्यानं नृगतीर्थकथा ततः
गोपीसरः समाख्यानं ब्रह्मतीर्थादिकीर्तनम्
शिवलिङ्गगदातीर्थकृष्णपूजादिकीर्तनम्
कुशदैत्यवधोञ्चारविशेषार्चनजं फलम्
कृष्णमन्दिरसंप्रेक्षा द्रारवत्यभिषेचनम्
इत्येष सप्तमः प्रोक्तः खण्डः प्राभासिको द्विजाः
लिखित्वैतत्तु यो दद्याद्धेमशूलसमन्वितम्
माध्यां सत्कृत्य विप्राय स शैवे मोदते पदे
त्रिविक्रमचरित्राढ्यं दशसाहस्रसंख्यकम्
भागद्वयसमायुक्तं वक्तृश्रोतृशुभावहम्
कपालमोचनाख्यानं दक्षयज्ञविहिंसनम्
प्रह्लादनारायणयोर्युद्धं देवासुराहवः
ततः काम्यव्रताख्यानं श्रीदुर्गाचरितं ततः
सत्यामाहात्म्यमतुलं पार्वतीजन्मकीर्तनम्
ततः कौशिक्युपाख्यानं कुमारचरितं ततः
जाबालिचरितं पश्चादरजायाः कथाद्भुता
मरुतां जन्मकथनं बलेश्च चरितं ततः
प्रह्लादतीर्थयात्रायां प्रोच्यन्ते ऽथ कथाः शुभाः
नक्षत्रपुरुषाख्यानं श्रीदामचरितं ततः