वासुदेवस्य माहात्म्यं कोटितीर्थं ततः परम्
पाण्डवानां कथा पुण्या महाविद्याप्रसाधनम्
अरुणाचलमाहात्म्यं सनकब्रह्मसंकथा
माहिषासुरमाख्यानं वधश्चास्य महाद्भुतः
इत्येष कथितः स्कान्दे खण्डो माहेश्वरो ऽद्भुतः
प्रथमं भूमिवाराहसमाख्यानं प्रकीर्तितम्
कमलायाः कथा पुण्या श्रीनिवासस्थितिस्ततः
नानाख्यानसमायुक्ता भारद्वाजकथाद्भुता
पुरुषोत्तममाहात्म्यं कीर्तितं चोत्कले ततः
इन्द्रद्युम्नस्य चाख्यानं विद्यापतिकथा शुभा
नीलकण्ठसमाख्यानं नरसिंहोपवर्णनम्
रथयाव्राविधिः पश्चाज्जन्मस्थानविधिस्तथा
रथरक्षाविधानं च शयनोत्सवकीर्तनम्
दोलोत्सवो भगवतो व्रतं सांवत्सराभिधम्
योगसाधनमत्रोक्तं नानायोगनिरूपणम्
ततो बदरिकायाश्च माहात्म्यं पापनाशनम्
कारणं भगवद्वासे तीर्थं कापालमोचनम्
ततः कार्तिकमाहात्म्ये माहात्म्यं मदनालसम्
पञ्चभीष्मव्रताख्यानं कीर्तितं भुक्तिमुक्तिदम्
पुण्ड्रादिकीर्तनं चात्र मालाधारणपुण्यकम्
नानापुष्पार्चनफलं तुलसीदलजं फलम्
अखण्डैकादशीपुण्यं तथा जागरणस्य च
ध्यानादिपुण्यकथनं माहात्म्यं मथुराभवम्
वनानां द्वादशानां च माहात्म्यं कीर्तितं ततः
वज्रशाण्डिल्यसंवाद अन्तर्लीलाप्रकाशकम्
नानाख्यानसमायुक्तं दशाध्यायैर्निरूपितम्
जलदा नादिविधयः कामाख्यानमतः परम्
तथाक्षयतृतीयादेर्विशेषात्पुण्यकीर्तनम्
सुरापापविमोक्षाख्ये तथाधारसहस्रकम्
स्वर्णवृष्टेरुपाख्यानं तिलोदासरयूयुतिः