इत्येवं पूर्वभागो ऽयं पुराणस्य निरूपितः
संवादे सर्वतीर्थानां माहात्म्यं विस्तरात्पृथक्
इत्येवं तव वाराहं प्रोक्तं पापविनाशनम्
काञ्चनं गरुड कृत्वा तिलधेनुसमन्वितम्
स लभेद्वैष्णवं धाम देवर्षिगणवन्दितः
सो ऽपि भक्तिं लभेद्विष्णौ संसारोच्छेदकारिणीम्
यस्मिन्प्रतिपदं साक्षान्महादेवो व्यवस्थितः
लक्षं तस्यार्थं जातस्य सारो व्यासेन कीर्तितः
एकाशीतिसहस्रं तु स्कान्दं सर्वोघकृतंनम्
यत्र माहेश्वरा धर्माः षण्मुखेन प्रकाशिताः
तस्य माहेश्वरश्चाथ खण्डः पापप्रणाशनः
सुचरित्रशतैर्युक्तः स्कन्दमाहात्म्यसूचकः
दक्षयज्ञकथा पश्चाच्छिवलिङ्गार्चने फलम्
पार्वत्याः समुपाख्यानं विवाहस्तदनन्तरम्
ततः पाशुपताख्यानं चण्डाख्यानसमन्वितम्
ततः कुमारमाहात्म्ये पञ्चतीर्थकथानकम्
इन्द्रद्युम्नकथा पश्चान्नाडीजङ्घकथान्वितम्
महीसागरसंयोगः कुमारेशकथा ततः
वधश्च तारकस्याथ पञ्चलिङ्गनिवेशनम्
ब्रह्माण्डस्थितिमानं च वर्करेशकथानकम्
वासुदेवस्य माहात्म्यं कोटितीर्थं ततः परम्
पाण्डवानां कथा पुण्या महाविद्याप्रसाधनम्
अरुणाचलमाहात्म्यं सनकब्रह्मसंकथा
माहिषासुरमाख्यानं वधश्चास्य महाद्भुतः
इत्येष कथितः स्कान्दे खण्डो माहेश्वरो ऽद्भुतः
प्रथमं भूमिवाराहसमाख्यानं प्रकीर्तितम्
कमलायाः कथा पुण्या श्रीनिवासस्थितिस्ततः
नानाख्यानसमायुक्ता भारद्वाजकथाद्भुता
पुरुषोत्तममाहात्म्यं कीर्तितं चोत्कले ततः
इन्द्रद्युम्नस्य चाख्यानं विद्यापतिकथा शुभा