अविक्षिच्चरितं चैव किमिच्छव्रतकीर्त्तनम्
नलस्य चरितं पश्चाद्रामचन्द्रस्य सत्कथा
पुरुरवः कथा पुण्या नहुषस्य कथाद्भुता
श्रीकृष्णबालचरितं माथुरं चरितं ततः
ततः सांख्यसमुद्देशः प्रपञ्चासत्त्वकीर्तनम्
यः शृणोति नरो भक्त्या पुराणमिदमादरात्
यस्तु व्याकुरुते चैतच्छैवं स लभते पदम्
कार्तिक्यां द्विजवर्याय स लभेन्द्ब्रह्मणः पदम्
मार्कण्डेयपुराणस्य स लभेद्वाञ्छितं फलम्
ईशानकल्पवृत्तान्तं वसिष्ठायानलो ऽब्रवीत्
पठतां शृण्वतां चैव सर्वपापहरं नृणाम्
सृष्टिप्रकरणं चाथ विष्णुपूजादिकं ततः
सर्वदीक्षाविधानं च अभिषेकनिरूपणम्
पवित्रारोपणविधिर्देवालयविधिस्ततः
न्यासादीनां विधानं च प्रतिष्ठापूर्तकं ततः
प्रतिष्ठा सर्वदेवानां ब्रह्मण्डस्य निरूपणम्
ऊर्द्ध्वाधोलोकरचना ज्योतिश्चक्रनिरूपणम्
षट्कर्म च ततः प्रोक्तं मन्त्रमन्त्रौषधीगणः
कोटिहोमविधानं च मन्वन्तरनिरूपणम्
ग्रहयज्ञस्ततः प्रोक्तोवैदिकस्मार्तकर्म च
वारव्रतानुकथनं नक्षत्रव्रतकीर्तनम्
नवव्यूहार्चनं प्रोक्तं नरकाणां निरूपणम्
नाडीचक्रसमुद्देशः संध्याविधिरनुत्तमः
राज्याभिषेकमन्त्रोक्तिर्द्धर्मकृत्यं च भूभुजाम्
मण्डलादिकनिर्द्देंशो रत्नदीक्षाविधिस्ततः
धनुर्विद्या ततः प्रोक्ता व्यवहारप्रदर्शनम्
गजादीनां चिकित्सा च तेषां शान्तिस्ततः परम्
शान्तयश्चापि विविधाश्छन्दः शास्त्रमतः परम्
सिद्धशब्दानुशिष्टिश्चकोशः सर्गादिवर्गकः
वर्णनं नरकाणां च योगाश्त्रमतः परम्