नर्मदाचरितं यत्र वायुना परिकीर्तितम्
श्रावण्यां यो ददेद्भक्त्या ब्राह्मणाय कुटुंबिने
यः श्रावयेद्वा शृणुयाद्वायवीयमिदं नरः
यश्चानुक्रमणीमेतां शृणोति श्रावयेत्तथा
सो ऽपि सर्वपुराणस्य फलं श्रवणजं लभेत्
श्रीमद्भागवतं नाम पुराणं ब्रह्मसंमितम्
सुरपादपरूपो ऽयं स्कन्धैर्द्वादशभिर्युतः
तत्र तु प्रथमस्कन्धे सूतर्षीणां समागमे
परीक्षितमुपाख्यानमितीदं समुदाहृतम्
ब्रह्मनारदसंवादे देवताचरितामृतम्
द्वितीयो ऽयं समुदितः स्कन्धो व्यासेन धीमता
सृष्टिप्रकरणं पश्चाद्बह्मणः परमात्मनः
सत्याश्चरितमादौ तु ध्रुवस्य चरितं ततः
इत्येष तुर्यो गदितो विसर्गे स्कन्ध उत्तमः
ब्रह्माण्डान्तर्गतानां च लोकानां वर्णनं ततः
अजामिलस्य चरितं दक्षसृष्टिनिरूपणम्
षष्ठो ऽयमुदितः स्कन्धोव्यासेन परिपोषणे
सप्तमो गदितो वत्स वासनाकर्मकीर्तने
समुद्रमथनं चैव बलिवैभवबन्धनम्
सूर्यवंशसमाख्यानं सोमवंशनिरूपणम्
कृष्णस्य बालचरितं कौमारं च व्रजस्थितिः
भूभारहरणं चात्र निरोधे दशमः स्मृतः
यदोश्च दत्तात्रेयेण श्रीकृष्णोनोद्धवस्य च
भविष्यकलिनिर्द्देशो मोक्षो राज्ञः परीक्षितः
सौरी विभूतिरुदिता सात्वती च ततः परम्
इत्येवं कथितं वत्स श्रीमद्भागवतं तव
साहाय्यकर्तुर्गदितं भक्तिभुक्तिविमुक्तिदम्
देयं भागवतायेदं द्विजायप्रीतिपूर्वकम्
स पुराणश्रवणजं प्राप्नोति फलमुत्तमम्
पञ्चविंशतिसाहस्रं बृहत्कल्पकथाश्रयम्