व्रतादीनां च पूर्वो ऽयं विभागः समुदाहृतः
शिवस्य संहितोक्ता वै विस्तरेण मुनीश्वर
स तु सर्वात्मना यस्यास्तीरे तिष्ठति संततम्
इदं ब्रह्म निराकारं कैवल्यं नर्मदाजलम्
शक्तिः कापि सरिदृपा रेवेयमवतारिता
वसंति याम्यतीरे ये लोकं ते यान्ति वैष्णवम्
संगमाः पञ्च च त्रिंशन्नदीनां पापनाशनी
पञ्चत्रिंशत्तमः प्रोक्तो रेवासागरसगमः
चतुःशतानि तीर्थानि प्रसिद्धानि च संति हि
संति चान्यानि रेवायास्तीरयुग्मे पदे पदे
नर्मदाचरितं यत्र वायुना परिकीर्तितम्
श्रावण्यां यो ददेद्भक्त्या ब्राह्मणाय कुटुंबिने
यः श्रावयेद्वा शृणुयाद्वायवीयमिदं नरः
यश्चानुक्रमणीमेतां शृणोति श्रावयेत्तथा
सो ऽपि सर्वपुराणस्य फलं श्रवणजं लभेत्
श्रीमद्भागवतं नाम पुराणं ब्रह्मसंमितम्
सुरपादपरूपो ऽयं स्कन्धैर्द्वादशभिर्युतः
तत्र तु प्रथमस्कन्धे सूतर्षीणां समागमे
परीक्षितमुपाख्यानमितीदं समुदाहृतम्
ब्रह्मनारदसंवादे देवताचरितामृतम्
द्वितीयो ऽयं समुदितः स्कन्धो व्यासेन धीमता
सृष्टिप्रकरणं पश्चाद्बह्मणः परमात्मनः
सत्याश्चरितमादौ तु ध्रुवस्य चरितं ततः
इत्येष तुर्यो गदितो विसर्गे स्कन्ध उत्तमः
ब्रह्माण्डान्तर्गतानां च लोकानां वर्णनं ततः
अजामिलस्य चरितं दक्षसृष्टिनिरूपणम्
षष्ठो ऽयमुदितः स्कन्धोव्यासेन परिपोषणे
सप्तमो गदितो वत्स वासनाकर्मकीर्तने
समुद्रमथनं चैव बलिवैभवबन्धनम्
सूर्यवंशसमाख्यानं सोमवंशनिरूपणम्