योगिध्येयाय महते निर्गुणाय नमोनमः
कन्दर्प्पदर्प्पनाशाय कालहॄन्त्रे नमोनमः
सरिद्दामसमाबद्धकपदार्य नमोनमः
पुरान्तकाय पूर्णाय पुण्यनाम्नो नमोनमः
विवाससे निवासाय विश्वेषां पतये नमः
त्रिधाम्ने धामरूपाय जन्मदाय नमोनमः
कान्ताय निजकान्तायै दत्तार्द्धाय नमोनमः
शिवसान्निध्यदं विप्र सर्पतन्त्रप्रकाशकम्
लोकाभिलाषसंपूर्तिक्रियासाधनसंगतम्
ते तु लोकोपकाराय ज्ञातव्याः सिद्धिदायकाः
त एव साधनीयाः स्युश्चतुर्वर्गफलाप्तये
शाक्ताः सौराश्च गाणेशाः शैवाः प्रोक्ताः शुभावहाः
देवताराधनं भक्त्या किं भूयः श्रोतुमिच्छसि
पुनरप्याह सुप्रीतो जिज्ञासुः श्रेय उत्तमम्
महातन्त्रं त्वया प्रोक्तं सर्वतन्त्रोत्तमोत्तमम्
तत्सर्वं मे समाचक्ष्व सर्वज्ञस्त्वं यतो मतः
पुराणाख्यानसंप्रश्नं कुमारः प्रत्युवाच ह
नानाकथासमायुक्तमद्भुतं बहुविस्तरम्
न वेद तस्मात्पृच्छ त्वं बहुकल्पविदां वरम्
प्रणम्य विनयोपेतः सनातनमथाब्रवीत्
पुराणानां विभागं मे साकल्ये नानुकीर्तय
यस्मिञ् श्रुते श्रुतं सर्वं ज्ञातं कृते कृतम्
कियन्ति च पुराणानि कियत्संख्यानि मानतः
चातुर्वर्ण्याश्रया नानाव्रतादीनां कथास्तथा
त्वत्तो ऽधिको न चान्यो ऽस्ति पुराणाख्यानवित्प्रभो
ततः सनातनो विप्राः श्रुत्वा नारदभाषितम्
साधु साधु मुनिश्रेष्ठ सर्वलोकोपकारिका
तुभ्यं समभिधास्यामि यत्प्रोक्तं ब्रह्मणा पुरा
एकदा ब्रह्मणः पुत्रो मरीचिर्नाम विश्रुतः
उपसृत्य स्वपितरं ब्रह्मणं लोकभावनम्