वर्णलक्षं जपेन्मन्त्रं होमं कुर्याद्दशांशतः
पञ्चाक्षरोदिते पीठे मूर्तिं मूलेन कल्पयेत्
हृदयं मनुराख्यातश्चण्डेशस्य प्रपूजने
शैवमन्त्रेषु निष्णातश्चण्डेश्वरमनुं जपेत्
शृणु नारद वक्ष्यामि दिव्यं माहेश्वरं स्तवम्
यस्य पाठेन पूजायां सिद्ध्यन्ति मनवो ऽखिलाः
सर्वभूतान्तरस्थाय शङ्कराय नमोनमः
अतीन्द्रियाय महसे शाश्वताय नमोनमः
भवाय भवसंभूतदुःखहन्त्रे नमोनमः
चतुर्वर्गवदान्याय सर्वज्ञाय नमोनमः
योगिध्येयाय महते निर्गुणाय नमोनमः
कन्दर्प्पदर्प्पनाशाय कालहॄन्त्रे नमोनमः
सरिद्दामसमाबद्धकपदार्य नमोनमः
पुरान्तकाय पूर्णाय पुण्यनाम्नो नमोनमः
विवाससे निवासाय विश्वेषां पतये नमः
त्रिधाम्ने धामरूपाय जन्मदाय नमोनमः
कान्ताय निजकान्तायै दत्तार्द्धाय नमोनमः
शिवसान्निध्यदं विप्र सर्पतन्त्रप्रकाशकम्
लोकाभिलाषसंपूर्तिक्रियासाधनसंगतम्
ते तु लोकोपकाराय ज्ञातव्याः सिद्धिदायकाः
त एव साधनीयाः स्युश्चतुर्वर्गफलाप्तये
शाक्ताः सौराश्च गाणेशाः शैवाः प्रोक्ताः शुभावहाः
देवताराधनं भक्त्या किं भूयः श्रोतुमिच्छसि
पुनरप्याह सुप्रीतो जिज्ञासुः श्रेय उत्तमम्
महातन्त्रं त्वया प्रोक्तं सर्वतन्त्रोत्तमोत्तमम्
तत्सर्वं मे समाचक्ष्व सर्वज्ञस्त्वं यतो मतः
पुराणाख्यानसंप्रश्नं कुमारः प्रत्युवाच ह
नानाकथासमायुक्तमद्भुतं बहुविस्तरम्
न वेद तस्मात्पृच्छ त्वं बहुकल्पविदां वरम्
प्रणम्य विनयोपेतः सनातनमथाब्रवीत्