नानाशस्त्रधरं ध्यायेनदघोराख्यं सदाशिवम्
तारो वान्तो धरासंस्थो वामनेत्रेन्दुभूषितः
मनुः पाशुपतास्त्राख्यो ग्रहक्षुद्रनिवारणः
मध्याह्नार्कप्रभं भीमं त्र्यक्षं पन्नगभूषणम्
वर्णलक्षं जपेन्मन्त्रं जुहुयात्तद्दशांशतः
शैवे पीठे यजेदङ्गमातृलोकेश्वरायुधैः
सद्यः स मुञ्चति क्रन्दान्महामन्त्रप्रभावतः
जयेत्क्षणेन निखिलाञ्छत्रून्पार्थ इवापरः
वर्णान्तिमो बिन्दुयुतः क्षेत्रपालाय हृन्मनुः
षड्दीर्घयुक्तबीजेन षडङ्गं न्यस्य चिन्तयेत्
पिङ्गोर्ध्वकेशान्दधतं कपालं च गदां स्मरेत्
चरुणा घृतसिक्तेन ततः क्षेत्रे समर्चयेत्
तस्मै सपरिवाराय बलिमेतेन निर्हरेत्
भञ्जयद्वितयं भूयो नर्तयद्वितयं पुनः
क्षेत्रपालबलिं गृह्णद्वयं पावकसुन्दरी
सोपदेशं बृहत्पिण्डे कृत्वा रात्रिषु साधकः
बलिनानेन सन्तुष्टः क्षेत्रपालः प्रयच्छति
उद्धरेद्बटुकं ङेंतमापदुद्धारणं तथा
शक्तिरुद्धो ध्रुवादिश्च द्वाविंशत्यक्षरो मनुः
बालं स्फटिकसंकाशं तल्लोललसिताननम्
सुप्रसन्नं स्मरेद्धक्त्या भक्तानामभयङ्करम्
तद्दशांशं प्रजुहुयान्त्तिलैर्मधुरसंयुतैः
षट्कोणान्तस्त्रिकोणस्थव्योमपङ्कजसंयुते
भक्षयस्व गणैः सार्द्धं सारमेयसमन्वितः
अनेन बलिना हृष्टो बटुकः परसैन्यकम्
अङ्कशो वह्निशिखरो लान्तदान्त इतीरितः
अस्य त्रितो मुनिः प्रोक्तश्छन्दो ऽनुष्टुबुदाहृतम्
हृदयं दीप्तफट् प्रोक्तं ज्वलफट् शिर ईरितम्
हलफट् नेत्रमाख्यातं सर्वज्वानिनिफट् परम्
चण्डेश्वरं रक्ततनुन्त्र्यक्षं रक्तांबरावृतम्